بسم الله الرحمن الرحيم
.
.
الاهداء
.
.
الى اصدقائي...الكادحين
.
.
اصدق الشعـر بيـتٍ../. لونخيتـك جبـه
.. .. .. .. انهدم../. وانت تسنى رغبة البوح../. بيـر
واكذب الحزن../. يابوح الحزين../. اعذبه
.. .. .. .. واصدقه../. لانشب بالحلق../. سيفٍ شطير
يشبه اللي عسف روحـه../. لعيـن طلبـه
.. .. .. .. يوم ذكى القناعـه../. دون لقمـة غريـر
كل مافاع راسـه../. نـاخ سمعـه (يبـه)
.. .. .. .. لين يبـرك بصبرٍ../.مثـل صبـر البعيـر
لقمـة الجـوع ساوت../.حنظلته../.عنبـه
.. .. .. .. يومها نقر طير../. وصر بطن../. وصرير
يقبـل البعد...مـن قربـه حنـى منكـبـه
.. .. .. .. بين فرفاح فـرخ../. وبيـن ثقـل المطيـر
صااااحبي../. والوجيه الشُحـب المتعبـه
.. .. .. .. ريها../.من عرق سمـر الجباه../.النميـر
مايضيـره قبـال../. ان شفتهـا معشـبـه
.. .. .. .. هندمتهـا تضاريـس القبـال ../. النظيـر
يغرس الكدح فيهـا../. مـن سمـار ندبـه
.. .. .. .. غرس بذر السجود../. بعال وجـهٍ منيـر
عرضوهـا سمـوم../. وهبهبـات اتربـه
.. .. .. .. بين لوجات زام../. وبيـن وحشـة خفيـر
وحشموها السؤال../. اللي يسـن اجوبــه
.. .. .. .. يوم بعـض الوجيـه../. بطلبتـه ماتحيـر
صااااحبي../. والخبير..مصمصم التجربـه
.. .. .. .. قـال مايغتـرب../. ياكـود رجـلٍ فقيـر
كم فقيرٍ غريـبٍ ../.وسـط جمـع عربـه
.. .. .. .. وكم غريبٍ فقيرٍ../. من حبيييـب وعشيـر
صااااحبي../. من يلوم../.اللي يمس شنبـه
.. .. .. .. بين هجرت وحيد../. وبين وحـدة هجيـر
منفيٍ../.كنـه اللـي .. برقبـتـه رقـبـه
.. .. .. .. مجفيٍ../. مثل هالدنيا../. بعيـن الضريـر
صامـتٍ../. يفتعـل للحاضريـن جلـبـه
.. .. .. .. ساتـرٍ../. عبرتـه بيـن ابتسـام وصفيـر
وااااقفٍ ../. عقب طيحاته ...بروس ركبه
.. .. .. .. بين وقفت كبير../. وبيـن طيحـة كبيييـر
صااااحبي../. والبيوت.. ان مرت مرتبـه
.. .. .. .. بينهـا../. كـم تبعثر..شاعـرٍ مستطـيـر
يصدق الحزن../. لوكـان اطربه...باكذبـه
.. .. .. .. يوم بوحه عسير../. وحبس بوحـه عسيـر
لاوذ الحـزن بوحـه../. والقصيـد نهبـه
.. .. .. .. من حضن غفوته../. لين اقتنـع بالمصيـر
وين../. عـن مجمـع القـراء .. مايكتبـه
.. .. .. .. من لمس جرح../. من حدق .. بعين الكسير
يحتفلبـه غريـبٍ../. شــاف ماغـربـه
.. .. .. .. ويحتفيبـه عشيـر../. ويحتفيبـه اجـيـر
ولاتحـس المسامـع../. كـود مايطربـه
.. .. .. .. سِهلها../. سَهلها../. يامن رقيت استخيـر
رد مع اقتباس
المفضلات