حياك الله أخوي منصورالمشاركة الأصلية كتبت بواسطة منصور الغايب
المشكلة أن شر العماله استشرى في البلد والسبب : من أمن العقوبة أساء الأدب !!
وحقوق العمالة فاقت حقوق المواطنين ولم يعد هناك أي توزان بين حقوق العامل وحقوق المواطن !!
شاكرة لك مرورك وإضافتك أخي الكريم
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
هلا بك أخوي عبد الواحد
مافهمت قصدك ((منطق الخادمة بالشرع مايجوز )) !!؟
اللي أعرفه إن عائشة رضي الله عنها كان عندها جارية والرسول صلى الله عليه وسلم كان عنده خدم
والزوجة في الإسلام يحق لها طلب خادمة تعينها على مسؤوليات البيت عشان تتفرغ لزوجها<<< لاتدقق
أنا معك إن فيه بعض الحريم تستعبد الشغالة وكأنها أمة عندها وتسيء معاملتها !! وهذي ماراح نتكلم عنها
أنا أبيك تكلمني عن الخادمة اللي تتعامل معها ربة البيت بكل إنسانية وتعطيها كافة حقوقها وفجأة لما تلتقي هالخدامة بوحدة من الشغالات الهاربات اللي مامعهم إقامة وتقلب لها راسها وتقول لها انحاشي واشتغلي لنفسك بيطلع لك أضعاف راتبك ,, ومن بكره تلقاها منحاشة من البيت والله يستر لاتكون ماخذه معها شيء !!؟
هنا أنت كمواطن ضاعت عليك الشغالة ,, والمكتب ماراح يعوضك لأن كفالة المكتب تنتهي بانتهاء الثلاثة أشهر الأولى !!
والخدامة تشتغل وتنتقل من بيت لبيت بدون إقامة وبدون جواز وإذا حبت ترجع لديرتها مافيه أسهل من التزوير وتسافر زي سلامو عليكو ومتى ماحبت ترجع تشتغل ترجع من جديد بدون ماتدرج ضمن اللائحة السوداء الممنوعة من الدخول !!
وترجع تنحاش من جديد وهلم جرا
والضحية المواطن المغلوب على أمره اللي يدفع عشرة آلاف عشان يستقدمها لغيره !!
هذي هي مصيبة المصائب خصوصا مع الارتفاع الخيالي في أسعار الاستقدام وفي رواتب العمال !!
أتمنى تكون اتضحت لك الصورة أخوي عبد الواحد
شاكرة لك مداخلتك
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
حياك الله أخوي نافع
معك حق المفروض هذا حدود خدمتها
لكن على فرض إنها وصتها على ولدها لأنها مضطرة تطلع ,, هل هذا مسوغ إنها تحط له سم فيران لأنه أزعجها بصياحه زي ماذكر المصدر !!؟
طيب الأم أخطأت !! والإبن هو الضحية !!؟
من يكفل له حقه !!
لو كان فيه عقوبة رادعة كان مافكرت تسوي هالجريمة الفظيعة !!؟
تقدر على أقل تقدير تخليه يصيح لما تجي أمه وتتولاه
أما تسوي له رضعة وتتعمد تضيف لها سم فيران هذا فعلا دليل على إنها أمنت العقوبة !!
شاكرة لك مرورك أخوي نافع
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
حياك الله أخوي وسمي
أنا عن نفسي أرشح الفلبينية
طبعا مو للصغار ,, بس للبيت والتنظيف لأنها راقية في التعامل ونظيفة وما عندها لف ودوران
شرفتني أخوي وسمي
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
هلا وغلا بأهداب
كأنك هاليومين مالك شوفه !!؟
<<< أو أنا اللي ما أشوف
تسلمين ياقلبي على هالمشاركة
بس لازلت أنتظر منك العودة عشان تعلقين على الهدف الرئيسي من الموضوع
(( مافيا مكاتب الاستقدام ))
في انتظارك يالغلا لاتبطين علي
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
حياك ياعسل
شرفتي متصفحي
بس ماقلتي لي لو حطوك وزيرة عمل وش راح تسوين !؟
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
حياك الله أخوي أبو فهدأحد أزمات المجتمع الحالية الخادمات
و على ما قالوا
البنت لما تكون متربية على أيد خادمة لازم لما تعرس أول شرط الخادمة
جيل هالحريم عوذا من رفالتهم الحين
وشلون باتسر
الشغالة تطبخ و تنفخ و تغسل و تكوي و تنظف
وش بقى عليه لتصير زوجة ؟
^^^^
^^
^
^
^
شطحة برى الموضوع
نرجع حق موضوعنا
عندنا مكتب العمل هو المشكلة الكبرى
و لعدة نقاط :
لو رفضت الخادمة العمل يلزمك تسفرها مع اعطائها كامل مرتباتها بغض النظر عن الخسائر التي تكبدتها و التي قد تصل إلى 10 آلاف ريال لاستقدامها
و يحدثني احد السائقين من الجنسية الأندونيسية يقول
أكثر من يأتي لدول الخليج غرضه السياحة
حيث أنه بمرتبين أو ثلاثة يعوض قيمة الضرائب التي تؤخذ عليه في بلاده
لكن من يعوضنا حنا يالسعوديين
مكتب العمل ضد المواطن في أمور كثيرة
أيضا حنا شعب همج
الواحد إذا شغالته ما تبي تشتغل راح باعه و غش ابن البلد
و تصير هالشغالة سهم يتداولونها
لما تهرب و تصير بيد أحد العمالة و يبدأ بتاجيرها على العمالة الآخرين
فساد في فساد
و يا قلب لا تحزن
-----------------
أبو فهد الهمزاني
أحسنت هذا اللي حبيت نركز عليه
اللي هو الكلام عن مكتب العمل
رفعوا تكلفة الاستقدام ورواتب العماله مع شروط جديدة لمزيد من رفاهية العامل دون حفظ أي حق للمواطن المسكين !!؟
لاتلوم الواحد إذا باع شغالته على غيره اذا رفضت الشغل ,, لو كان حقه محفوظ وتم تعويضه عن الضرر اللي بيلحقه من خساير الاستقدام بسبب اضرابها عن العمل كان مافكر لحظة يغش غيره بها !!؟
وعموما عملية البيع ونقل الكفالة صارت مشبوهه عند أغلب الناس خصوصا إن بعض مكاتب الاستقدام بعد ماتشتري الخدامه المضربه من المواطن بنصف أو ربع القيمة صارت تتاجر فيها فتبيع نفس الشغالة لأكثر من واحد يعني تطلب منها تنحاش وترجع له وبعدين تبيعها من جديد وهلم جرا ,, بدون ماتلاقي هالمكاتب أحد يحاسبها أو يلاحقها !!
وأعرف وحدة نقلت كفالة خادمة من مكتب استقدام بـ 15000 ريال وبعد ماجلست عندها أقل من شهر انحاشت وضاعت عليها فلوسها ,, ويالله عاد رح دورها !!
أبو فهد شرفت متصفحي بإضافتك القيمة
شاكرة لك حضورك
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
حياك الله أخوي طلال
الجريمة بشعه
والأبشع أن لايجد مشاري من ينصفه !!
شاكرة لك حضورك أخوي طلال
معليش ,, عندي استفسار بسيط بخصوص توقيعك
وش معنى غيي !!؟
*
*
*
من بين أجا وسلمى ** شفت المها تفتن
بين الزهر والما ** جنة ربيع وفن
يالبي قلبتس ياحايل
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
أهلا بك أخوي عبد الرحمن
أشكرك على إضافتك القيمة
والموضوع لا يجب أن يقتصر على فحص الصحة فقط بل يجب أن يتعداه إلى غيره من الأمور التي تحفظ للمواطن حقه في حالة الإضراب أو الهرب أو حتى الحمل !!
وكذلك في حالة ارتكاب جرائم أخلاقية أو جنائية !!
تشرفت بمرورك أخوي أبو يوسف
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
هلا بك أخوي عبد الله
أصبت كبد الحقيقة
فعلا لو كانت الخادمة هي من تعرّض للقتل أو حتى لضرر أقل من الموت ماذا كان سيترتب عليه !!؟
سؤال عن مائة جواب ويختصر ما أردت قوله تماما ,,
أما الاخلاء الطبي فما خفي أعظم !!؟ وقصص من أعرفهم تشيب لها الرؤوس
الفساد هو أصل كل بلاوي البلد
كل الشكر لحضورك وتعليقك القيم أخوي أبو خالد
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات