يا هدى ..!
السلام عليكم ورحمة الله وبركاته ..
الى قلوبكم الطاهره عسى ان ترتقي لكم ..!
.
.
كل ما هبّت هبوب المحبّه يا هدى
_____ طاح دمعي و ابتدى صدري الواسع يضيق
ويش حيلة عاشق ٍ بالمحبّه ما اهتدى
_____ لا برى من علّته يجرحه رمح ٍ زريق !!
وان جمع يد الهواء راح تجميعه سدى
_____ كان ما فرّق عذوله .. قبع فيها حريق
ارتدى ثوب المحبه و ليته ما ارتدى
_____ اشهد ان العشق بحر ٍ وانا وسطه غريق
من عرفته والشماته على لسن العدى
_____ ان سكت اوجست غبنه والى قلت استضيق
كل ما جرّيت صوتي وابي صوته صدى ..
_____ ما سمعت الا صدى صوت ونّات وشهيق
منكوي والحظ الاقشر على صدري عدى
_____ آآآآه و ضلوعي تصافق فريق ٍ مع فريق
من رحل و الحال جرداء ولا فيها قدى
_____ الصديق اللي يساااوي ( 900 ) صديق
ما عرفته معرفة سوق .. و الا منتدى
_____ ما عرفته غير من حبل الاجواااد الوثيق
صاحب ٍ ما فيه مقدااااار ذرّه من ردى
_____ في جبينه من تقى نفسه السمحه بريق
الله أكبر لا انتهى والله أكبر لا ابتدى
_____ كن هرجه لا حكى در .. والماس .. وعقيق
ان لقيته بالضحى قلت مالي بالغداء
_____ وان لقيته بالعشاء شلت ما لا كنت أطيق
ما بقى لي شي ما قلت هذا لك فدى
_____ أفتديه بكل شي ٍ على قدرررره يليق
حسبي الله ما خبرت الذهب ينتج صدى
_____ كيف ولّع بي عذولي على غفله حريق
ويش أسوّي بالمحبّه .. طلبتك يا هدى !؟
_____ والمحبّه خمرة ٍ .. من شربها ما يفيق !!
.
.
تقبلوا جل التحايا وأرقاها
محبكم
عبدالمجيد بن عابد
رد مع اقتباس
المشاركة الأصلية كتبت بواسطة ابو ضاري
المفضلات