الأم التعيسة شؤم !!
8
8
8
عنوان يضيق الصدر بصراحة بس وش أسوي مكرهة أختكم لابطلة
ولاّ الأم ياقلبي زود على إنها تعيسة تصير شؤمالشكوى لله
بس هذي هي الحقيقة للأسف
أي أم تعيسة راح تكون شؤم على عيالها
بعض الأمهات تظن إنها إذا ضحت بسعادتها وعاشت في تعاسة عشان خاطر عيالها إنها تقدم لهم خدمة كبيرة وتضحية عظيمة
مادرت إنها للأسف بدل ماتبنيهم قاعدة تهدم فيهم كل أسس التربية وتدمر شخصياتهم
فاقد الشيء لايعطيه
بعض الزوجات ترغم نفسها على العيش مع زوج متسلط أو عربيد أو ظالم عشان تحافظ على أسرتها وأولادها
وهي للأسف مستحيل توفر لهم الجو المناسب مادامت تعاني من الظلم والاضطهاد والتعاسة مع هالزوج اللئيم<<<< مبسوطة تحش في الرجال
تخاف تطالب بحقوقها لأنها تربت في بيئة علمتها إنها تعطي وماله داعي تاخذ من باب الكرم والإيثار !! <<< ممكن يكون مشروع موضوع في عام 2020
فتصير تصبر وتصبر وتصبر لما يمل الصبر منها
كل هذا خوف من الطلاق وتشتت الأسرة !!
ماتدري إن الطلاق ممكن يكون أفضل حل لها ولأولادها وإن انفصالها عن مثل هالزوج اللئيم برضو
الأولاد اللي يعيشون مع أم تعيسة بحجة التضحية راح ينشأون نشأة غلط بنفسيات دمار سواء بنين أو بنات!!
عيشة النكد والكدر تورث نفسيات نكدية وملطمة
والمثل يقول : خذ مدللة ولا تاخذ ملطمة <<< برضو ممكن يكون مشروع موضوع في عام 2030 بس ذكروني
من هذا المنطلق أدعو بنات جنسي وأمهات الجنس الآخر
إلى المبادرة والمسارعة لأخذ حقوقهن بالوفا والتمام
واللي ماتطولينه بيدك لايردك إلا
*
*
*
*
*
*
*
*
*
رشاشك
رشاش ذهب عشان تبين اللمسة الأنثوية فيه
حبيباتي سارعن للتسجيل معنا في :
حملة الريم لتشييش الحريم
هذا الموضوع يأتيكم برعاية الجازي والرشاش النازي
حقوق الملكية الفكرية للجازي
وحقوق ملكية الشرارة الفكرية لشموخ شمالية <<<<<< إلا غصب توهقتس معها ياشموخ
رد مع اقتباس
المشاركة الأصلية كتبت بواسطة عبدالرحمن
إنه إلا تصير انتحارية وتفجر بنا 
<<عليَّ وعلى أعدائي
المفضلات