.
.
.
.
.
الدلو والميزان والقوس والحوت
ماغير برج العاج تغري وصوفه
وبرج (ن) بقلبي برج لولو وياقوت
لايابعد برج الحمام ورفوفه
مايسكنه غيرك من السيف للكوت
لو ينثني راس الولد عن كتوفه
علم وكيد وبالمواثيق مثبوت
ماهو بعلم اللي يفرك كفوفه
والله لسافرلك لو ارجع بتابوت
وانا من اللي ما ربوا في مروفة
على الشقا لاع الهوى كل شفلوت
وانتي تلوعين الحشا بالطروفة
والوقت للجاحظ والايام هاروت
والقلب حاتم وانتي اغلى ضيوفه
يا مرحبا ترحيبة عقاب يا نوت
والحي يلحق لو تحده ظروفه
حي تناجيه وأهل حيه سكوت
يحيا بسمك جر صوتك لجوفه
صوتك يكفيني عن الشرب والقوت
وشوفك غناتي والحياه مخلوفة
يااقوى من اللوعات واسخف من التوت
وابلغ من البيت الاخير وحروفه
رجل تنادينه ولا يسمع الصوت
خسارة سمعه وصوته وشوفه
ورجل يضمك بين اياديه ويموت
والله ما تلحق حياته حسوفه
تقبلووووها ....
رد مع اقتباس
المشاركة الأصلية كتبت بواسطة ام الرغفان
المفضلات