يقول الفنان حسين عبدالرضا " بذمتكم تبون الوزير يهد مقصه ويجابلكم .." .
احد الموظفين جمبازي بمعنى مساح جوخ وبالعراقي كلاوجي كل ما يجي مدير يعطيه على هواه ويريحه على الآخر .. كلشي طال عمرك على ما تحب
والامور بسلامتك ماشيه على سنغت عشرة والموظفين يدعون بسلامتك والمراجعين يقولون لو بالديرة اثنين مثلك كان البلد بخير ..
بعد فترة عين هالمدير وكيل وزارة وأخذ معاه هالجمبازي وطبعاً ما تغير شي ممنوع احد يدش على هالوكيل الا ويمر على تابعه قفه واكيد ما راح يوصل له
اي شيء يكدر خاطره " كلشي زين " ..
وبعدها بفترة ايضا صار هالوكيل وزير وأخذ معاه مفتاحه " قايلكم مريحه على الآخر " ونفس الموال لالا زاد عليه شوي قام يصيح بالممرات الوزير جاء الوزير مشى الوزير قام الوزير قعد وارعب الناس بهالوزير " شنهو نازل بقفة " على قولت اهلنا بالبحرين ..
صار صاحبنا الجمبازي يشق ويخيط على قولت حبايبنا الكويتيين لا ويعين وكلا ويعين مدراء وينقل فلان ويجيب علان وصار هو الكل بالكل بهالوزارة ..
ويا ويل اللي يحجي ويتذمر من شيء .. لا حتى المراجعين ما يسلمون منه ومن لسانه .. صار سُلطة " مو سَلَطَه .. على قولت اخوانا السوريين "..
طبعا هالجمبازي مو مريح الوزير بوزارته بس الا سخر كل امكانيات الوزارة علشان يريحه بالبيت وفي الشاليه وفي المزرعة لا حتى المدام حيل مستانسة منه لا وعيال الوزير ما يسالون ابوهم الا عن هالجمبازي يضحكهم
ومكثر لهم اللعب من كيس الوزارة ..
يعني الوزير وعايلته راضين حيل عليه !!!
هكذا حال غالبية أعضاء الحكومات لديهم من البطانة الفاسدة كثير من هم على شاكلة هذا الجمبازي وباعتقادي انه الجمبازية هم السلطة الخفية التي تدير شئون البلاد والعباد ..
لذلك دائما ما نجد امورنا معرقلة واحوالنا متعثرة وظروفنا متقلبة على اهواء هذه العينة من الناس ..
جمبازيتنا وايد على قولت اخوانا الحضر وهم حكومتنا مع الاسف وهم من يدير شئوننا لذلك لاعزاء للشعب ..
رد مع اقتباس
المشاركة الأصلية كتبت بواسطة منصور الغايب
المفضلات