حسن أم زيد المرتعد أو لا أحد ؟!

[الجازي]

أبو فيصل

الحمد لله على السلامة

نورت المضايف برجعتك

من طول الغيبات جاب الغنايم

حبيت أسلم وأرحب بك

بس هالمضيف له هيبة ماودك تطلع شوي ونشوفك في باقي المضايف

ياحي الله راعي الوقيد

أبرك الساعات اللي شفناك فيها

[المطني]

هلا والله براعي الوقيد

الروايه اللي عندي وسمعته من ا لسويد وانا عمري 12 سنه يعني مبطي ما به ذكر المرتعد به العواجيه بس

( مانا معلمك بعمري هالحين على شان ماتولجن بالشيب )

[اليمني]

والله يالغالي اللي انا سمعت وعلى ذمة الراوي يقول ان اللي ذبح مع عقاب وحجاب هو عمهم فارس الفريس
مزعل ابن فايز واللي متحظيه بدر اخو هايس وقفوه العبدي الثالث مشاري الشقاق المفضلي ولد عم مفيز العفر اللي جدع عقاب!!
وعقب ما انتهوا منهم وهو يلاقيهم هكالرجال عاض ابهامه ، يجر رمحه صويب ؛ صويب وماخوذة فرسه.
قال : انا المرتعد جابتن العنزية ياخو سعدى ـ هايس القعيط ـ والله لاطالب ولامطلوب ، ولكن جابتن النخوة ، والعمر غالي ياهايس .
اثره حسن المرتعد شيخ اليمنه ـ بلهجة الراوي ـ!!؟
قال : سلمت وخاب طالبك ..!؟؟
الزبدة ان حسن الرتعد كان مع عقاب وحجاب بالطراد لكنه لم يذبح بل سلمه الله .؟

والله اعلم

ولكم التحية

هلا أخوي

أنا تأخرت بالرد لين نشدت بعض الشيبان وأكد لي بأن حسن ما انصاب ذاك اليوم أبدا والقصة هذي لو إنها صايره على حسن كان بتشتهر خصوصا ان حسن هو شيخ اليمنه بوقته وفارس معروف , أما بالنسبة بالنسبة لمزعل فالرجال اللي سألته يقول أول مرة أسمع به ولا ينكر ولا يثبت ذبحته يقول مدري, تخبر الناس تعرف رجالها الخاصين أبرك والشايب اللي سألته يمني.

[اليمني]

الاخ العزيز / اليمني

(استدراك )البيت اللي ذكرت انا لحسين الذنيب هناك من ينسبه للتبيناوي

اما القصيده اللي انت ذكرت فهذي للتبيناوي والروايه اللي عندي لم يذكر فيها المرتعد

اياة خمسين تعشيهم الشا = من زوبع وضياعم خالطينه
اياتهم واياة خيل مريحات =وجيش يعزل من وراها كمينه
وردوا عليهم شمر عقب الاقفاة= وغدوا بصياد الحباري بحينه
عقاب رمنه يوم الافراس عجلات = فوات ماعود على مرتجينه
فوات فبل مدورين الجمالات =ياليت عقال الملا حاضرينه
شله مفيز شلة الذيب للشاة =ورماه للي مستغله بدينه
عاليت ياحماي تال الونيات =عزاه من طير نغت حجر عينه
وقع خلاف الجيش مابه مراوات =اما يسار وريك ولا يمينه
بحراب ياما سفّرت يم الاموات = ياكلن حثات البراثن وتينه
وقالوا حضاته هايس والقدورات =واظنهم بمشوربن متهمينه
من زوبع ولا السناعيس الافات =ماصددوا عن خيّر طالبينه
بايمانهم مثل المحوص المدلاّة =والريش من فوق الغلب مردفينه
ان كان هيفا العام زجّت له اصوات = نوت يروع اليوم لجة قطينه
بالعون عقب عقاب هدمن الابيات = لو صيحت خفراتهم عاذرينه
توطته حرد اليماني مشيحات =تروه بدف وريك يادايرينه
وحجاب ياما قال بالبيت قم هات = عزي لكم يالابة فاقدينه
خلوه زينين المياحا والارات =ينام سعدون على سهر عينه
هذي قروض بيننا يالقرابات =وحلو ردات الجزا فبل حينه

بعدين هناك قصيده لفالح بن فضل الغيثي منه بيت يدل على ان القتلى هاكليوم العواجيه بس ويأكد قول ابن طوعان ( لعيون هيفا نردع الشيخ بحجاب ) يقول فالح وهناك من يقول انه لعايد الغيثي ( ياعقاب عقبان المنيصب لون لك .... واستلحقن ياعقاب راسك معه راس ) ما قال راسين قال راس اللي هو اخوه حجاب وهالحين القبور اللي عند الابرق قبرين بس لو حسن المرتعد مذبوح معهم كان صارن ثلاث . وبعدين سكوت شمر عن ذكر المرتعد بالقصيد يدل على عدم قتله لان قتله ماهو خفي ( مسكت الورع )

تسلم أخوي على تفاعلك وأنا رأيي من رآيك خصوصا ذبحة حسن ماراح تصير مجهولة ع الأقل عند ربعه وعند الناس حوله , يعني حتى ع الطرف الثاني مافيه أحد من عنزة رثاهز وحسن بوقته من كبار ولد سليمان وشيخة المرتعد باليمنه قديمه من قبل أيام حسن وأبوه

[ابو ريفان]

الاخ اليمني يا حلو وقاعتك و حرصك على الوصول للحقيقة.
طبعا ما عندي اي معلومة و لكن اعجبتني و حبيت اشكرك.