خبرك عتيق ...!
صبحكم / مساكم الله بالخير جميعاا
خبرك عتيق ومات في القلب خبرك ...!
القصيده :
خبرك عتيق ومات في القلب خبرك
ما عدت احبك لا ولا اجيب طاريك
ضيعت عمري بين صدك وهجرك
والحين حالف لا تجيني ولا اجيك
اصبر على ضيمك ولا شفت صبرك
يقوى على شوية زعل في محانيك
تهت بشواطي بحر مدك وجزرك
احيانا تضحك لي وانا احيان ابكيك
حتى الورق لو فكر يضم حبرك
القاه صافن كنه يقول ما ابغيك
نجمك افل من عقب ما كان بدرك
يسهر معي في تالي الليل يطريك
توبه احبك شفني قدر صرت مدرك
اقدر اميز بين بايع وشاريك
فمحراب عشقك قمت صليت وترك
يعني نهيت الحب من دون تشكيك
وما كان يطري في خيالي اخسرك
لكن لقيتك تحسب الحب تكتيك
احسب على كيفك ودون في سطرك
من عقب هاللحظه انا صرت ماضيك
بيصد قلبي وانت تعطيه ظهرك
خل الشواهد في ثرى الارض ترثيك
يا وسع صدري وانت يا ضيق صدرك
ضاقت بك الدنيا وغدى الهم طاويك
ارخصت نفسك لين ما انهان قدرك
وضيعت من ايدك محبك ومغليك
تذكر قصايد كانت فطوع امرك
ما قلتها بغيرك انا قلتها فيك
ترضي غرورك وانهزم عند كبرك
ما كان همي غير اسعدك وارضيك
وتذكر بعد وشلون دايم اخدرك
يومٍ ابوسك فوق وجنات خديك
يومٍ بعدها تفز وتقوم تبرك
فوق الصدر وتقول لبيك لبيك
وتذكر خطاك وعذري اللي يعذرك
كن الخطى لا جاك ماغير يخطيك
ما اقدر افسر شي ما اقدر افسرك
انت غريب اطوار حتى فمعانيك
اول اشوفك في عفافك وطهرك
محدن وصل لك لا ولا احدن يساويك
واليوك يكسر خاطر الروح جبرك
كلٍ يشوفك ضعف ويهيم واديك
اما انا ماني على خبر خبرك
خبرك عتيق ومات بالقلب طاريك
للشاعر / خالد القحطاني وجد الكتابه
رد مع اقتباس
المفضلات