السيح كرم وفرسه/ الجربان

[الحيمري]

صارت مناسبه في احد مدن المملكه تبعد عن مدينه الرياض حوالي 1200 كم جنوب والمناسبه هي حفل وكان راعي الحفل معرفه ورجل شرواكم من قبيله عزيزه واذا دعاك على اي مناسبه تحس ان الرجل كلامه من القلب وفيه صفات الرجال الحميده

لمهم جينا خمسه 2- من الاسلم 1- من النمصان 1- ظفيري 1- هو انا جينا يمار فيه مخيم كبير والاضأت كانك في مدينه الخبر
والله والرجال يعرفبنا هذولا السناعيس اهل اللحيسه

وشيوخهم الجربان اللي باعو الكحيله بعشا ليله وعرف بخوينا الظفيري هذا فلان من قبيله الظفير وشيخه بن سويط والله كل الحاضرين ونعم ونعم


لكن ماهي هذي السالفه
واحد من خويانا نشده له شايب قال ياشمري يوم الله جابكم ابي استفسر منكم انا دايم اسمع ان الجربان شيوخ شمل شمر ونعم وادري انهم كرما

الاستفسار

1- وشي سالفه باع الكحيله بعشا ليله
2- وشو معنى السيح؟؟؟؟؟؟؟؟؟؟؟؟؟؟؟

يوم خوينا يبي يسولف قال المعزب تفضلو على العشا بعد العشا ماجانا الشايب سهرنا معهم لحدود الساعه واحده منتصف الليل واستاذنا ومشينا وحنا سارين نسولف على بعض وكلا يجيب عرفه او اللي سمع

السؤال
اللي يعرف السالفه بدون تخمين الله لايهينه يقولنا فضلا ليسى امرا ((((باع الكحيله بعشا ليله)))) وطبعا تخص الجربان

[نايف حزوم]

حاولت اراسلك على الخاص لكن ماقدرت لذلك ارسل ايميلك الله لا يهينك او راسلني على الخاص حتى ارد لك الرساله

[نايف حزوم]

هلا بك يالغالي انا ارسلت لك رساله على ايميلك قبل كم يوم لكن الظاهر ايميلك به خطا وعموما هذي الرساله
بالنسبه لطبك واستفسارك كثير من الناس والشيبان تفاجات انهم مايعرفون السبب.
طبعا تعرف ان الجربا شاخ على الباديه في نجد وفرض عليهم منيحه على كل مراح ولكن مدلول بن طواله واخوانه الحودله وراشد والطواله ومادري ان كان معهم احد من الاسلم ولا لا رفضوا وقالوا مانعطي منيحه وما عمره احد اخذاه علينا وما عمرنا عطيناه احد من بد وجد .طبعا الجربا اخذ حلالهم وسجن مدلول وذهب الحودله وراشد ومن معه وكان لهم يد عند ابن سعود (يقال ان صار به ثوره بالدرعيه والله اعلم على ابن سعود وكانوا الطواله قريب من المجمعه وطلب فزعتهم وفزعوا له وقال اذكروني للزمن)وعندما جاؤا ابن سعود وجدوه متوفي وصلوا على قبره ومشوا ولحقوهم الخدام وقالوا طويل العمر يبيكم قالوا حاجتنا عند راع القبر ومات ومشوا ثم لحقهم الخادم وقالهم ابن سعود يقول اللي يبونه من راع القبر انا اعطيهم اياه لانه وصاني عليهم قالوا نبي البيرق واهل نجد قال منهو عليه قالوا على الجربا قال تم .وعند اهل العارض مثل يقولون (والله لو انك ابن طواله)لاحد اولادهم اذا طلب شي.لان ابن سعود ماعمره اعطى البيرق لاحد سوا ابن طواله .ما اطوله عليك صار اللي صار ونزحت شمر وصار بهم جوع وطلب الجربا من ابن سعيَد فرسه الكيله وعطاه اياه وباعه بعشا ليله لتالجر تمر وعشا شمر هكالليله ويقال ان زوجته هي من اشارت عليه قالت له يوم جا بالليل مهموم قالت وشعلمك قال الولد مات والناس جوعا والصحن مكسور او ماخوذ قالت اتزين لك ويجيلك ولد مثله واطلب الكحيله من ابن سعيد وعش الناس والصحن يصنع لك الصانع اكبر منه وهذا اللي سمعته من بعض مصادر الطواله وغيرهم من قديم والله اعلم والسلام عليم ورحمته الله وبركاته

[الحيمري]

نايف حزوم
اولا اشكرك شكرا جزيلا على سراحتك وصدقك
ثانيا انا ارسلت لك 2 رسايل على الخاص حسب طلبك والايميل دونته لك نسخ ولزق مافيه خطا

ثالثا وهو الاهم انا اشكرك على ايراد الاجابه وانا والله اني سئلت كم واحد ولم يعرفون
ليش قيله هذه المقوله

ونعم بك وبالجربان وكلمه نعم ماتكفي

مع تحيات ابو منيف

[أبو فهد]

لاهنت يا نايف



جزاك الله خير على إيراد هالقصة




---------------
أبو فهد الهمزاني

[ابو نواف الجربا]

الأخ العزيز نايف
تحياتي لك
ارجو ان تكون متاكد اكثر من اي قصة توردها لأن لاعلاقة تاريخية بما أوردته وكل ماقلت أن هناك ثورة بالدرعية ولاتعرف من هو من الجربان الذي قيل فيه( باع الكحيلة بعشا ليلة)
اولا المقصود هو مطلق الجربا رغم ان الانترنت ملئ بنسبة المثل مرة الى عتيبي ومرة اخرى الى العصلب والنعم في كل القبايل لكن الحقيقة انها قيلت في مطلق الجربا
لا اعرف لماذا ربطت خلاف ابن طوالة مع الجربا مع القصة وارجو ان لاتكون حاجة في نفس يعقوب
للمعلومة فإن ماذكرته يخص معركة العدوة 1205 التي اغار فيها ابن سعود على شمر ومطير وشارك فيها ابن طوالة وقد كان سبب الغزو غير ماذكرت للأسف
اخيرا ارجو ان يتضمن النقاش او الرد معلومة مفيدة

[الحيمري]

الأخ العزيز نايف

تحياتي لك

ارجو ان تكون متاكد اكثر من اي قصة توردها لأن لاعلاقة تاريخية بما أوردته وكل ماقلت أن هناك ثورة بالدرعية ولاتعرف من هو من الجربان الذي قيل فيه( باع الكحيلة بعشا ليلة)
اولا المقصود هو مطلق الجربا رغم ان الانترنت ملئ بنسبة المثل مرة الى عتيبي ومرة اخرى الى العصلب والنعم في كل القبايل لكن الحقيقة انها قيلت في مطلق الجربا
لا اعرف لماذا ربطت خلاف ابن طوالة مع الجربا مع القصة وارجو ان لاتكون حاجة في نفس يعقوب
للمعلومة فإن ماذكرته يخص معركة العدوة 1205 التي اغار فيها ابن سعود على شمر ومطير وشارك فيها ابن طوالة وقد كان سبب الغزو غير ماذكرت للأسف
اخيرا ارجو ان يتضمن النقاش او الرد معلومة مفيدة

ابونواف الجربا شكرا على المرور

انت تقول اطلق الاسم على مطلق ونعم بجميع السيح لكن بغض النظر اذا كان
مطلق او غيره من الجربان الاسم هذا معروف من القاصي والداني انه فقط تخص
الجربان ولاتخص غيرهم

السؤال
لماذا هذه التسميه اكيد فيه سبب
هل باع الكحيله بعشا ليله لنفسه وهذا غير وارد
هل باع الكحيله بعشا ليله لشمر
ماذا السبب

وشكرا

[شبرية الذارع]

إلى الأخوان .. ابو نواف الجربا ، الحيمري ..
السلام عليكم ورحمة الله وبركاتة :
اما بعد: بخصوص موضوع .. باع الكحيلة بعشا ليلة
انا اخوكم من قبيلة الظفير وللعلم بإن بياع الكحيلة بعشا ليلة من الظفير هو الشيخ غازي العصلب شيخ فخذ العريف من الظفير
وقصة المثل معروفة لدى ابناء القبيلة ..ونحن لانبخص حق الشيخ مطلق الجربا ولا الجربان كافة ولاشمر ..ويفعلون اكثر من ذلك
والمعروف والدارج لـ أهل العرف بإن الامثال والقصص تكون متشابة لدى اكثر من شخص ويفعلون نفس المثل
وقصة الشيخ غازي العصلب : عندما باع الكحيلة وعشا جماعته وانقذهم من الجوع معروفه عند العريف خاصة والظفير عامة
ويوجد قصائد على ذلك ويمكنكم الرجوع للمحرك جوجل والبحث عن ذلك...
مع التحية :

[الحيمري]

إلى الأخوان .. ابو نواف الجربا ، الحيمري ..
السلام عليكم ورحمة الله وبركاتة :
اما بعد: بخصوص موضوع .. باع الكحيلة بعشا ليلة
انا اخوكم من قبيلة الظفير وللعلم بإن بياع الكحيلة بعشا ليلة من الظفير هو الشيخ غازي العصلب شيخ فخذ العريف من الظفير
وقصة المثل معروفة لدى ابناء القبيلة ..ونحن لانبخص حق الشيخ مطلق الجربا ولا الجربان كافة ولاشمر ..ويفعلون اكثر من ذلك
والمعروف والدارج لـ أهل العرف بإن الامثال والقصص تكون متشابة لدى اكثر من شخص ويفعلون نفس المثل
وقصة الشيخ غازي العصلب : عندما باع الكحيلة وعشا جماعته وانقذهم من الجوع معروفه عند العريف خاصة والظفير عامة
ويوجد قصائد على ذلك ويمكنكم الرجوع للمحرك جوجل والبحث عن ذلك...
مع التحية :

اولا ونعم بالعصلب وبكل الطماح ووزنهم بين القبايل معروف
لكن ياخ اللي نشدني عن باع الكحيله بعشا ليله هو ليس شمري ولا ظفيري
هو من اقصا جنوب المملكه وكان من الحاضرين ظفيري ولا قال انه للعصلب قال اسمع ان الجربا باع الكحيله بعشا ليله

وياخ انا اقول قد يكون القصص تتشابه لكن مثل هذا المثل لاحد يتجراء عليه
والله انه ليسى عنصريه بس هذا حق الاجواد لايهضم ونحن كافخذ من شمر محادين الظفير في المراعي وبالموارد وبالذات العريف ونعرفهم بالعايله
لم نسمع هذا المثل انه للعصلب

والملك عبدالعزيز بن عبرالرحن رحمه الله
كان يستضيف الضيوف في ثليم بالرياض وكان عنده رجل يقلط الضيوف على العشا وفي يوم من الايام هذا الرجل ناداء الناس بعالي صوته العشا العشا

قاله الملك لا لا لا هذي سبقنا عليها بن مهيد احد شيوخ عنزه وهو ملك معيش شعب كامل بعد الله فالاجواد لاتعداء على حق احد
فـــ انا اقول الواحد عندما يقول شي ينظر لله

ولك الاحترام

[شبرية الذارع]

السلام عليكم اخوى الحيمرى احنا لم نظلم الاجواد بالعكس قلنا يسويها الجربا رغم اننا لم نسمع انها للجربا لا من شمر ولا من الظفير للاننا نعرف انهم يفعلون اكثر واكبر من ذلك ولم ننكر بدايت كلمنا ذلك قد يكون الظفيرى الى معاكم لايعرف مثل الشمرى الى سالنه لايعرف عن مثل الجربا شى وهذا لايمنع ان يكون الجربا فعل المثل والعصلب فعل المثل ويمكن يكون غيرهم من اجواد خلق اللة فعل المثل حنا مانقدر نظلم الاجواد والجربا والعصلب لايحدد طيبهم وكرمهم بهذا المثل اما انك تقول ان هذا المثل لااحد يتجرأ علية نقولك واللة انك ظلمت الاجواد وحنا ماضلمنهم واذا انت تقول انك تعرف العريف بالعايلة اسألك باللة انك تسأل اى شايب من شيبان العريف ويعلمك بالسالفة كاملة وقصايدها واخص ان تسأل ابوشعيل الرجاء شايب صدوق عمرة فوق 90سنة وعارف السالفة كاملة وساكن بحفر الباطن بحارة العصلب اسأل وتاخذ الصدق ورغم هذا حنا لانكر ان يكون الجربا ايضا باع الحيلة بعشا ليلة لانها مثل يقدر يسوية اى واحد كريم وشيخ عرب ومسوول عن رعية؟والسلام عليكم ورحمة اللة وبركاتة