لانيب لا مغرم ولا نيب مشغوف
لانيـب لا مغـرم ولا نيـب مشغـوف
ولا هو بيرضي مطمعي لا رضـوا بـه
اغلي بدون حدود ولا ارخصت ما اروف
لا ضـع صدقـي فالقلـوب الكـذوبـه
تقـدر تقـول انـي معقـد مكشـوف
عيبيـن وابـن ادم يـا مكثـر عيـوبـه
يا عليش لو هو كل ما طـوّف يطـوف
كان العـرب لعبـت بنـا لعـب طوبـه
حنـا لا قلنـا يصغـي لقولنـا اولـوف
وخطواتنـا عنـد الرجـال محسـوبـه
فضـا مـن المولـى ومنـه ومعـروف
مسـيـر عـبـاده مـوسـع دروبــه
الحمد له والشكـر والفضـل والنـوف
مجمـل ٍ هقـوات مـن هـم هقـوبـه
ما حن بخير الناس لكـن بنـا وصـوف
منها انحرم من لعب بهـم ولعبـوا بـه
وصوف ماهيـب تغيـر مـن صـدوف
ولا يغيرهـا مــن الـوقـت شـوبـه
نحبها مع انهـا اخشـن مـن الصـوف
تـردنـا عـمـا الاوادم لـهـوا بــه
تعطيك طبـع ٍ بيـن الاجـواد مالـوف
طبع ٍ ردييـن البخـت مـا شقـوا بـه
طبع ٍ يحنك مـن شقـى كـل ملقـوف
والمدعي اللـي لا معـه ولا هـو بـه
وصوف عكس وصوف من يطمر الروف
لباس ثـوب ٍ مـا ابلشـه كـون ثوبـه
الحايف اللي كـل مـا شفتـه يحـوف
اطلـب لـه ان الله يخـفـف ذنـوبـه
ضعيف ورجال العرب فيهـم ضعـوف
عقايـب وضعـف الـمـروه عقـوبـه
لونه من درس الزمـن جـود حـروف
لا اشمل درى ان عكس اتجـاه جنوبـه
ولـو ان وقتـه علمـه كـان عـاروف
ان الخطـا مـا يستـره كـون تـوبـه
ولو ان وقته علمـه ال ON وال OFF
هـدى هبوبـه لا استشاطـت هبـوبـه
ولو انه يفهـم كـان ماهـوب مكلـوف
ولا غـدى مثـل مـن غـدى وغدوبـه
الرجـل مـا يقعـد وخلـق الله وقـوف
من خالف العالـم لقـوا مـا لقـوا بـه
ترى التعب في طيـب الـذات مخلـوف
ولا ردي الــذات مـاهـو بصـوبـه
لو ضاع مانيب الحق الضايـع حسـوف
وابشـرك عــاد الـديـار معـروبـه
عاد الرجال تشوف مـا عينـي تشـوف
وما كـل دربٍ لـو يزيـن مشـوا بـه
تشوف وتلـد النظـر داخـل الجـوف
وتميـز اخـلاق الـذي قـد نشـوا بـه
الزعيم
محمد بن علوش
رد مع اقتباس
المفضلات