مشكلة طارئة / المطنوخ

**المطنوخ** · 30-03-2010 05:13

السلام عليكم ورحمة الله وبركاته

الى من له علم أو خبرة أو اي شيء المهم اسعفوني

قدر الله ان انزل برامج حمايه واشتغلوا مثل الحلاوة ولا فيه باس

سويت ريستارت وهم كان كل شي طبيعي لكني لاحظت شي غريب ان خطوط الجهاز تغيرت ! دخلت النت ولا فعلا كل الخطوط تغيرت لامن مواقع ولا من منتديات

وش الحل ؟؟؟ ابي خطي القديم يرجع

مع العلم ان الجهاز توشيبا - فيستا

هذا وشكرا وجزى الله خير من سعى في انقاذي

محدثكم من خلف خطوط الجهاز
المطنوخ

**شرهه** · 30-03-2010 07:33

>>>>سمعت النداء وجت فزاعه

ابشر باللي يفزع لك ياطنخان ....لاتنغبن وانا موجوده

انت الحين مشكلتك بس تبي خطك القديم يرجع

ابد بس امسك كمبيوترك سما

وارضخ به سابع ارض ...

وعلمه بالشر ان شاء الله

**ملامح شمري** · 30-03-2010 12:52

و عليكم السلام و رحمة الله و بركاته ..
على ضوء المعطيات اللي ذكرتها ..

لتعديل خطوط الفيستا :
اضغط بالزر الايمن على سطح المكتب و اختر :
تخصيص -> لون النافذة -> اعدادات المظهر المتقدمة ..
و من مربع الحوار ( الحوار يعني الـ dialogue مهوب الحوار ولد الناقة .. ) غير انواع الخطواط لكل عناصر نظام الويندوز ..

خطوط المتصفح :
بما انك ما حددت المتصفح بفترض انه انترنت اكسبلورر 8 ..
أدوات -> خيارات انترنت -> عام -> الوصول
من نافذة الوصول ازل التأشير او التظليل من على الخيارات اللي تبدأ بكلمة تجاهل , وذا للتصفح بالخطوط الافتراضية للمواقع او المنتديات ..
و من : أدوات -> خيارات انترنت -> عام -> خطوط
تقدر تحدد انواع خطوط معينة لتصفح جميع المواقع بها و تجاهل خطوطها الافتراضية .

ما فاد , يا ليت لو تضع صورة للشاشة و تذكر اسماء البرامج اللي ركبتها ..
بارك الله فيك و نفع الامة بك .

**المطنوخ** · 31-03-2010 05:38

الشهبا

جربت طريقتك ومانفعت وغمستوه بالما تقل تعدل شوين وبعدين رجعت المشكله

لاهنتي

**المطنوخ** · 31-03-2010 05:39

دون بارزيني

ممكن بالانقلش إف يو دونت مايند

**ريال الفسحه** · 31-03-2010 08:22

الجهاز للبيع ؟

راح بدينارين

**عبدالله الجعيثن** · 31-03-2010 09:56

^

^

^

مع الكامري الخضرا...ولا بدون

**المشرف العام** · 31-03-2010 15:37

المشاركة الأصلية كتبت بواسطة المطنوخ

ا مثل الحلاوة ولا فيه باس

وعليك السلام ورحمة الله وبركاته ..

طيب وش نوع الحلاوة ؟
إذا هي فراولة .. فشف شرح ملامح

إذا هي .. توفي .. فخذ العلم

من خيارات المتصفح
اختر
عرض
ثم
ترميز

ثم نوع الخط UTF 8

كانها نوع ثالث

عطنا صورة للشاشه ، اضغط على زر prtSc بلوحة المفاتيح ثم بالرسام لصق وحفظ باسم امتداده JPG

وهاتها لنا

ان شاء الله تنحل

**المطنوخ** · 31-03-2010 22:51

ريالي لو تقول تبدل جهازي مع شركة ارامكو مارضيت <--اي هين بس .. ترن شوين واوافق على عرض الدينارين

/

ابوغازي هههههههههههههههه والله هذي هي تسمعك ام الجمايل بسم الله انت وش فطنك عليها ؟!

/

ابوسلطان

الحلاوة بحرينية ماهي عندك ولا عندوه

تسان رهش

الوكاد جربت طريقتك وهي موجوده اساسا

وصورت لك الصورة

لاحظ الخط الانجليزي ماكان هاللون ولا هان العربي بعد

ملف مرفق 4437