هذي القصيدة بالرنج (وإعذروني إذا قصرت بالوصف لأنه أول قصيده لي بوصف السيارات)
يامبارك لاتحسب الرايحاتي = طش همك والكدر ينشات شوتي
راكب اللي مايهاب المعضلاتي = صانعه مافكر ببعث(ن) وموتي
لاوقف شيخ(ن) فضيل(ن) بالصلاتي = هادي(ن) يخشى عليه من النحوتي
ولامشى غارن حسينات البناتي = والنواظر ماتميل ولاتفوتي
العيون الذيب في درب السراتي = والمرايا لامعه مثل الزيوتي
إن منع بأيام نحس(ن) مقبلاتي = فالسبب عيني ولو ماني نحوتي
وش أقول وبه جميع المعجزاتي = وفوق هذا له ضمان(ن) بالكروتي
شاشة كريستال وأضوا صافياتي = والمكينه همهمت طفل(ن) سكوتي
به صهيل خيول قوم (ن) ثايراتي = وبه فحيح وبه تناهيت الكبوتي
للفخامه رمز فوق الكايداتي = سايقه تحمل له أنواع البشوتي
للأناقه والتميز والثباتي = نابت(ن) في جنة الدنيا نبوتي
من شرى مثله على المقعد يباتي = تهويه FM مدخل قرص صوتي
قارمن تلفاز مرشد للهواتي = وش أقول ووش أخلي في بيوتي !!
لو تجف أنهار دجله والفراتي = مانساه الكون رضيان وشموتي
رد مع اقتباس
المشاركة الأصلية كتبت بواسطة عبدالمجيد الشمري
المفضلات