تدري وش اكبر مشكله في حياتك
انك تحب وحده بعد ماتزوجت
وتدري متى تقوم تجلد بذاتك
لاقلت انك في زواجك تعجلت
تقوم تحفر في يدينك مماتك
لأنك بواقع يجبرك لو تندمت
ترى قطار العشق روح وفاتك
خلك على جنيك الي تخيرت
هذا نصيبك كان هذي وصاتك
مذكورة لك يوم جيت وتقدمت
وش جاك يوم انك اخذته وجاتك
قمت تلفت للبنات وتمردت
طماع يابن ادم وهذي صفاتك
قلبك خضر مهما كبرت وتعلمت
لاكبرت الحرمه تسوي سواتك
تبي تشبب وانت بعيونهم شبت
تدري وش اخر شي في امنياتك
تاخذك وحده طول عمره وهي بنت
عبدالعزيز فهد
هلا اخي عبدالعزيز
ابيات جميله ومعبره
صح لسانك
اعزف على عود المشاعر تقاسيم
.... شفني جمعت اضلاع صدري لك اوتار
صح لسانك أخي عبدالعزيز
و ترا الرجال يجل له أربع حريم
يعني ما عنده اشكالية لو حب بعد الزواج
المشكلة لا حبت البنت بعد الزواج
،
دمت بخير
اختك
الدهور
" ما للظما داعي .. "
@dohoor
أخوي عبدالعزيز
صح لساآآنك وعلا شانك
ابيات جدآ جميله
تقبل مروري
وأن أردت التفاخر بشيء
ذكرت { أبي } لا أكثـر ..!
ديننا ما هو دين نصاري
لك اربع واعدل بينهن
لكن لا تظلم بنت الاجواد اللي معك>>وش ذنبه المسكينة ان كان قلبك خضر يمال الغنيمة
قصيدة معبرة
دمتم بحفظ الرحمن
المشاركة الأصلية كتبت بواسطة عبدالله الجعيثن
صح ابدانك اخ عبدالله وتشرفنا بمرورك
صح لسانك أخي عبدالعزيز
و ترا الرجال يجل له أربع حريم
يعني ما عنده اشكالية لو حب بعد الزواج
المشكلة لا حبت البنت بعد الزواج
،
دمت بخير
اختك
الدهور
حيالله اختي الدهور وانا اتكلم عن الحب الغير شرعي
تشرفنا بمرورك واهم شي الواو
صح ابدانك وتشرفنا بمرورك واطرائك اختي شموخ
شكرا اخوي الكاتم لمرورك الرائعديننا ما هو دين نصاري
لك اربع واعدل بينهن
لكن لا تظلم بنت الاجواد اللي معك>>وش ذنبه المسكينة ان كان قلبك خضر يمال الغنيمة
قصيدة معبرة
دمتم بحفظ الرحمن
يعطيـــــك العافيه قصيده في قمة الروعه بس انتبه لاتشوفها المدام ههههههههههههه وتروح سلطه مطحونه الله يهديك القناعه كنز لايفنى ارضى بلي عندك
والنفس وماتهوى
عساكـ عالقوه وننتظر جديدك..... نبض
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات