طعج مهو مثل طعج يوسف
السلام عليكم
مسائكم الله بالخير
المره هذي طعج بس مهو مثل طعج يوسف
طعج بالحتسي
كل ليله يتجمعون العيال عندي بالاستراحه
و يكون لعب و وناسه و فله
الوكاد
البارح كان يوم عجيب
كان عندنا عشاء و فيه ضيوف
يعني الوضع رسمي
و سوالف
و جاء واحد من الضيوف يسال عن بنك الراجحي الجديد
و قال واحد من العيال
انا ابي اوصف لك
قال تخبر مستشفى الملك حائل العام << جمع مستشفى الملك خالد و مستشفى حائل العام و طعج ام الحتسي
و قال خويه الي جنبه انت ما تعرف تحسي و لا توصف اسكت بس
قال يا فلان
تخبر مستشفى الملك خالد
قال ايه
قال شق منه<< يقصد شرق منه
العن ام الفزعه بس
يبي يسنع خويه طلع العن منه
و هاك ضحك عليهم
و بعد ما تعشين
جاء دور لعب ورقه
بلوت
و هند << مهو اسم لعبه
جاء راعي شق منه الي يوصف قبل شوي
قال يا عيال ابي ورقه وحده و اهند
قالو وش الورقه الي تبيه
قال ابي اكة الشايب
يبي اكة الشرياء
قال ابي اكة الشايب
و هاك ضحك عليه
قال انا ليه العب معاك و انتم ما تعرفون تتملوعون << يبي يقول ما تعرفون تلعبون جمع معه تتعلمون
و طول البارح و هو يطعج ام الحتسي
رد مع اقتباس
المفضلات