ابــي حـــــــل
السلام عليكم والرحمه
بدخل بالموضوع بدون مقدمات
كل مصيبه هينه بس لما يشوفه المحيط الخارجي تكون المشكله اكبر
اولا من ناحية كونه مشكله
ثانيا الانتقادات ..او الضحك احيان
مشكلتين اعاني منهن
الاحلاااااااااااام والنسيااااااااان
يمكن البعض يقول هالمشكلتين سائدات عند الاغلبيه بس انا اشوف معاي غير
اعطيكم مثال لا توذوني
المثال او المشكله الاولي الاحلاااام
كان عندي دفايه بالغرفه
والدفايه دايم اخوي يفر عليه واقوله لا تفر يقول كيفي ابفحط
وكل مره اهاوشه بعض احيان يحصلوه كم لزخه
المووووووهم
نمت وحلمت انه يفحط على الدفايه يوم صحيت تحسبوني صحيت عقليا لا للحين متاثره بالحلم
وانا اروح له ابي المخوه يمى يعض الارض.... ماحسيت الا انا فوق راسوه وهو لوه شخير ياحول وطلعت انا حالمه
اشوالي الله ستر علي ما لزختوه ولا كان قايلين انسفهت البنت
رجعت وتعوذت من بليس ونمت
كثيره المواقف بس ذكرت هالموقف
المثال او المشكله الثانيه النسيان
كنا بالثنوي وكان يوم الاربعا مسوين ندوه ومسابقات ثقافيه ومن هالقبيل
ويبون احد يشارك الا ماش محد معطيهم وجهه
الوكاد قالو بندعيكم بالاسماء
والله ساهيه يوم سمعت اسمي يقولون تعالي بنسالتس كم سؤال والله من شفتهن جهزن جايزتهن دريت اني بجيب العيد
قالن اول سؤال
منهو ولي العهد السعودي وانا اتبسم تسني واثقه من اجابة السؤال
وهي تجلس مقدمة المسايقه تبسم مثلي تقل وجيه بساسه
قالت جاوبي يالسنعوسيه
وانا اجلس اطق راسي ياربي منهو ولي العهد السعودي اف ياربي يعني لو تجي بزر تقوله من ولي العهد جاوب عليه
وقسم بالله بغيت ابتسي
المصيبه قدام خلق الله وجلسن البنات يضحكن
المصيبه مو سالفة نسيته .... نسيت اسموه بس.. ولا عارفه شكلوه بس لاسم طار اعوذ بالله
موقف ثاني
ذاك اليوم جيت بالاختبار وقالت لي مشرفه وش اختباركم وهي تنقلب الطاسه اتذكر اتذكر نسيت اسم الاختبار
قالت ما تعرفين اختباركم وتهز راسه وتمشي
المشكله يوم راحت تذكرتوه
<<وشو عقبوه
الي عندوه حل يدلي بدلوه الله لا يهينكم
تقبلو عااااااااااااااااطر ووووووووودي
رد مع اقتباس
المشاركة الأصلية كتبت بواسطة الشهبا
المفضلات