أيام الخــــراب
على هالعنوان ماناقص الا احط جنبه +18
ولا تدرون وشوله نحذر
والدنيا صايره سبهلل
ابد بضغطة زر وكل ماتتمناه تدركه
حتى لو الرياح جرت عكس السفنوا
<<< اللهابوا من علمك الفصحى ياعنز
صرنا يادافع البلى نعيش بوقت
اللي يبي المسجد يدله واللي يبي هذاك مدري شسمه يدله
انت بس شف اللي يجوز لك وسوه
زمان يافن
عقب ماكنا نتبطح قدام تلفزيونا الطقطق
ونتابع بكل برائه سالي ولوسي
وسبلتك تقوطر من الخقه
وسريولك مصوفر من تنجيش بساسة الحاره
هذا غير حصص الطرحي اللي ناخذه بداعوسنا
يوه ياكان بوه واحد متسلط علي
كل ماشافن طرحن وخذى اللي بمخباي
المشكله ان اخوي التسبير عشيرا له
وشكله هو اللي يحده علي
لانه يدري لو ياخذ اللي معي ابحرش عليه بابا
<< ماودك تاكل تبــ
اثرينا كنا نعاني اول
مو مثل وغدانا الحين اسم الله عليهم
يجيك متختخ بس ودك تلعب بشديقاته
وريحته تفحح من العطور يوم ديور ويوم سان لوران
مو حنا
اسم الله على الفضله
لو ترفع يدك اعميت خلق الله
حرام ان ينعطب بؤبؤ عين اللي جنبك والسبه انت
بحل ياصنان التيوس عندنا
ياخي من جد
اشكالنا اول ماتحمس ان الواحد يجيك ينشك ويشرهك ريال
حدك مخمس وعقبه بوز ينسيك حليب امك اللي شربته
قسم بالله انش لي عنز اصرف لي
يع ياحنا
بس اتوقع لو لاحقين على الفله والانفتاح اللي صاير الحين
ماكان صرنا بأكا الشكل المأساوي
كان اللي تلقونه شبه مهند
واللي حلاياه مثل حلايا براد بيت
وبعضنا ماتفرقه عن خشة جورج كلوني الا ليا شفت سكسوكته
واللي كانه ليوناردو دي كابريو بس على دقة خليجي
الوكاد
كان صرنا خقق
لكن لكل شي ثمن
<< جالس يرقع لنفسه
كان تلقونا تأثرنا بالقرف اللي نشوفه على قنواتنا المحترمه
اللي ماشاء الله عليهم ماقصروا بتشويه سمعتنا
جايبين لنا خمه من الشارع وبزعمهم يعالجوا قضايانا
قضايا مين ياعمي
لا وطول المسلسل 200 حلقه
لو انه مسلسل مكسيكي كان قلنا ماعليه
على الاقل نكحل بهالطخوم
اما جايب لي هاللي وجهه كانه ممصع بوجي
ولا اللي ملامحه تحيرك ماتدري هو صاحي ولا نايم
لا والمشكله مطول شعره صاير كانه اباط صيخي
سبحان الله سيماهم في وجوههم
هو صحيح انهم يتطرقون لقضايا قد تحصل في مجتمعنا
لكن بنسبه ضئيله تكاد لاتذكر
ومو مستاهله اصلا كل هالصخب
لماذا لانعالج قضايا اهم كاالبطاله ارتفاع الاسعار التدخين الطلاق الفقر السكن الفساد الاداري
مو هالقضايا اهم من القذاره اللي جالسين نشوفها
ياويل تسبدي يالعسيري
حلاة من حدك بلوه سهله كيلو بكيلو ( ايقونة واحد عاض برطمه )
ومعك ددسن 85 تسمع حنته على بعد عشره كيلو
وانواع الجلغفه
اكا اللي تجربع بوه جربعه
ان ماطلعت من تيه تلقفها تاك ياللحجي من ظهرك
ماكون ابن ابوي
قطعه تقطع أكا الوجه
المفضلات