لك ضحكـةٍ ياجـامعـة تشبة اثنين
امـا منافـق او قليـل احترامـة
ولك مبسمٍ مايبتسم دون تامين
انتي ضعيفة بوشهم يايمامة
من وين جيتي ب اسئلك جيتي منين
ومن اسسك ومن وصلك للزعامة
كـيـف وانتـي امـعـة مـاتـقـوليـن ؟
رايك يجيلك منختم باهتمامـة
كيف صرتي جامعـة بدربك الشين
وإلا مسمى والحقيقة علامة
او وش همهم طلابك اللي مهمين
اللي مللنا حكيهم عن سلامة
عدوانا ترسم حربها في سكاكين
بـرٍ و بحـرٍ والفضـى به كتـامـة
وسلاحهـم من مصنـعٍ به مـلايين
من كل شكلٍ مصفصٍ في فخامة
ولـعيالـكـم خابت جميع القـوانيين
والموت حتى القدس خيم ضلامة
السالفـة ياحسـرتي بالشهيـدين
غير الصغير اللي عجز عن كلامة
وبـاب الـجهـاد مـسكرينـة بقفلين
وصارت خنـازيره بعـالي سنامة
وفرض الحصار الضالم اللي له سنين
لام المعارك ماهتنت في منامة
والريسين اللي على الشعب طاغين
وملـوكنا تعمـد دروب الغـشامـة
شوفـي يـاهبلا او بعـد ماتـشوفيـن
شعبك يموت وحالته في عدامة
يـارب تـجـعـل غـربـهـا بـالـبـراكـين
وشارون تطحن له جوامع عظامة
ياناس قاتـل طفلـةٍ شوف هـالعين
اربع شهورٍ عمرها في تمامة
وساكتين المشكلـة لين هـالحين
وش عاد باقي ماضهر بام شامة
المسالـة ياضالمـة مسالـة دين
لازم يبين حليله من حرامة
وان مالقيتي حل فانتي بذنبين
ضلم الحقيقة ثم جرح الكرامة
انـا ادري انـك ذايقـة حر نـارين
نار النفاق ونار يوم القيامة
ومع كل هذا واليهود بفلسطين
والنسر صايب والخطى بالحمامة
من قصائد الشاعر / ابو فهد الشمروخي
رد مع اقتباس
المفضلات