ما يرتفع شاعر

**ناصر الشمري** · 04-01-2010 13:07

صبحكم / مساكم الله بالخير ......1

قصيده أعجبتني وحبيت انقلها لكم ..1

القصيده :

كثيراً ما نقرأ عن ابتكار نوع جديد من أنواع الشعر، ولكن! نستغرب أنها تقلل من مستوى الشعر.. وجماله! لدى متذوقي الشعر الأصيل.. والجزل.. فتتحول هذه الأنواع المضافة جديداً.. الى خربشات.. تشوه ملامح الشعر النبطي.. والفصيح!

ما يرتفع شاعر؟ بكثرة قصيده!
لو فاقت نجوم السما؟ والمجرات..

لا صار ما يآتي؟ بفكرة فريده!
يكتب خواطر؟ أو يألف.. روايات؟

ولا صار ما قاله؟ يعيد ويزيده!
قلّه يدوّر؟ بالزوايا مقالات..

حتى القصيده؟ طولها ما يفيده!
لا صار يقدر؟ يختصر بعض الأبيات؟

ومن كثر ما اقرى؟ قصايد بليده!
كني ورب البيت؟ أقرى حكايات!

لاوزن لامعنى؟ وش اللي نريده!
كلها حكايه؟ قافيتها.. على (آت)

وبذكر من أنواع القصيد الجديده!
(شعر الحداثه) والعجب! والاثارات؟

يعني تقول (أعشق ورود الحديده)
أقول:من دونك؟ تخون العبارات..

وأقعد أصفقلك! وأجيز القصيده!
وأقول هذا الشعر؟ وأصل الكتابات!

لا عاب شايب؟ عاب حتى وليده!
وإن عابت مريّه! تعيب البنيات..

والقلب ما يحيا؟ بليّا وريده..
والبيت له معنى؟ ومغزى.. وغايات!

الشعر يشكي؟ من قصايد عديده!
ويشكي من انواع القصيد؟ الجديدات..

كلن يفكر كيف؟ يرفع رصيده!
بين البرامج؟ والصحف.. والمجلات!

هذا يقول الشعر فنّي؟ وأجيده!
وأكبر دليل إن لي؟ قصايد.. وشلات..

وهذا يقول الشعر؟ لو كان بيده!
كتب تحت اسمي؟ (مدير العلاقات)

ياخي ترى بعض المهاجي؟ بليده!
ولا قالها غير النفوس؟ الضعيفات؟

ولا عاب شاعر؟ عاب حتى قصيده!
وإن عابت الفكرة! تعيّب بالأبيات..

للشاعر / عبد المحسن الشراري

**صلفيق** · 04-01-2010 14:49

وشكرا لك

سلمت وسلمت يمناك

**شموخ شمالية** · 04-01-2010 14:56

صح لسان الشاعر الشراري

ولاهان الناقل الراااقي

تسلم ياناصر ويسلم ذوووقك وأختيارك

لاعدمنااااك

لك أحترااامي

**ناصر الشمري** · 05-01-2010 08:07

لبى والله قلبك صلفيق الكبير كبير لاهنت ياخلفهم

**ناصر الشمري** · 05-01-2010 08:15

لاهنتي اختي شموخ بارك الله فيك وفي حضضورك وصح بدنك ياوخيتي

**ناصر الشمري** · 05-01-2010 08:20

صلفيق .................>
ودي اقول بيتين للشاعر رحيل الوهبي اظنها جديده القصيده

ماكنت أحسب الصديق اصلا يخليني
لاصكت ظروفي وضيعت مخراجه

الين ما أحتجته وصفقت بيديني
اثر المراجل تبين بحزه الحاجه