ياجسمي الهالك وياعيني الذبلا
وياقلبي اللي تضيق بصدري فجاجه
ويارجلي اللي على درب الشقى عجلا
كفي خطاويك مالي بالعنا حاجه
يكفيني عْزومي من كثر العنا ثملا
ويكفي عذاب (ن) تلاعب فيني أمواجه
النفس من جور وقتي صاير كهلا
تموت وتحيا .. وأطالب ربي إفراجه
تعبت أصب الحزن في داخلي وأملا
صدر(ن) طفح من شقاه ويصعب علاجه
وأقول عل الهموم بدنيتي تجلا
ويعود ماضي طفى من مبطي سراجه
وأعيش قرب الخليل أضحك معه وأسلا
أصبح على جفونه وأمسي بطلقة حجاجه
وأهلي بعيونه .. يا أهلاً وياسهلا
ويامرحبا باللي عرق القلب يحتاجه
تعال واطرد هموم (ن) فيني تتسلا
خل البلا عن حياتي يعاود أدراجه
رد مع اقتباس
المشاركة الأصلية كتبت بواسطة بتول آل علي
المفضلات