كان عمري بذيك الفتره <<< ياخوي سلم اسأل عن الربع مهو داعس بس تبي تسولف
السلام عليكم ورحمة الله وبركاته
بالخير كلكم
نسيت السالفه
ايه
كنت انا ذاك بعمر اقل من الجذعنه على قولة يوسف
يعني توي ما راهقت
حوالي عشر سنون بس
ماعندي ماعند جدتي بالعشق وهالسوالف
وبليلتن من الليالي
كنت منعوي قدام التلفزون اتابع فلم << يموووت بافلام الربع
بس هالمره كان فلم رومنصي
كان فيه واحد يحب وحده
وخشيت جو معهم
واخواني عندي متكومين
الوكاد ان بطل الفلم يبيعه بجلغ بصله ويدافع عن حبيبتوه
وحنا نشتم المجرمين ونهاوش هي نيتنا
وباخر الفلم
وبالتحديد اخر لقطه
كان البطل منجضع بحضن حبيبتوه وينزف دم
وعلى وشك يفطس
وهي تقول لاااا حبيبي لا تتركني
وهو يقول انتبهي لنفستس وسلمي على اللي تواجهين من الربع << كذاب
واخر شي وهو يشهق هكا الشهقه
تسيف كلنا شهقنا معوه
وهو يقطع
يعني قيم اوفر
مات
وهي تمسك راسوه وتحبوه وتضموه على صدره
وحنا لنا بتسا معه
ونروح لفرشنا نبي ننام
وانا منجضع واخوي منجضعن قبالي
ودموعي يصبن
مدري شلون تبي تنام وحبيبه مهو عنده << للحين خاش جو
قال اخوي وش فيك
قلت مدري بس احس بشي اول مره احسبوه
قال اصوت لابوي
قلت وشوله
قال اخاف تكون تعبان
قلت لا ياخوي ابوي ان جاء كوفرنا خلنا هاللون ليما الله يفرجه
ويجي باتسر
واحس فيني تكه
وضيدزه
مدري بس احس قمت احس بالرومنصيه
اول انتف الورد اللي بالحاره واوديه لمعزا ابوي
وهالحين صرت اقطع الورد واشمه << ماجاب لك الحساسيه الا تشمشم هالغبار يالخبل
وكان فيه بسطه بحارتنا كل يوم خميس الصبح
والحريم يقومن يدوجن به
ويوم جت البسطه في خميسن ما << بدا يموه
وانا اروح للبسطه
ثوبي قصير شوين
والسروال الاخضر طالع من تحت الثوب
وازارير الصدر مفتوحه وطالعتن فانيله حمرا << اتفاقي
واقف اراعي للحريم
ادور بنت تعطيني وجه
شوي
وهي تطلع بنت مهي كبيره
ولاهي صغيره
يعني نقول عشرين
يعني مهي حولي
اول ما مرت من عندي وانا ادنق
قلت بصوت خااافت
احبسسسس
وهي تاقف
قالت وش تقول
قلت احبسسس
وهي تضحك
قالت حبك ربك
الله يصلحك ويخليك لامك
قلت اقدر اجلس معتس
قالت وشوله تجلس معي ياخوي
قلت لا تقولين اخوووووي << عصب
قالت هاه وش اقول
قلت قولي يا عشيقي << يالربع اعجنوه لا يفضحكم
قالت ابشر انت وهالخشه تقل علابي تيس
طيب وشوله تبي تجلس معي
قلت ابي اسولف معتس مثل اللي بالفله
قالت خلاص تعال بالبيت امي هنا
قلت امتس
لاا خلاص
انا اجيتس بعدين
قالت متى تبي تجيني الله يقلعك
قلت ماعليتس << ياملا البعد بداء يرسم خطه
يالله روحي هالحين
وهي تقوم تهز راسه
وراحت
قلت هييه
وهي تلتفت
قلت احبسسس << ذووووق
وتروح لبيته الله يستر عليه ويخلف على اهلي
يوم جاء بالليل وانا احط الثوب بالسروال واروح يم بيتهم
واقوم اتعركش الجدران ليما رقيت فوق الجدار
وانا انبطح على الجدار علشان محد يعرفن
يوم راعيت ولا هذيتس هي تشر الثياب على الحبل
قلت هيه احبسسسسسسسسسسس
وهي تراعي
قالت اذلف الله لا يقبلك قلت ماااني ابتسسس
قالت طيب ثواني
وهي تنزل الثياب اللي معه
وتجيني
يوم وقفت تحت الجدار قالت تعال قرب ابقولك شي
وانا امد رقبتي يمه احسبه تبي تقول احبك
الله يجيركم وهي تمسك شوشتي وتجرن
وانا اسحب نفسي ذليت اطيح عندهم بالبيت
وهي تجرن تبيني اطيح عندهم علشان الزقرت يعجنون واجهيتي
وانا تقل بس اجر روحي كل قوتي
كل همي اني ما اطيح بحوشهم لاني اعرف العواقب
ويالله عقب معافر خلتن وانا ارجف برا
ولا مهلستن شوشتي الله يهلس شوشته
وخارشتن وجهي
وظهري من الصفقه يوجعن
ويالله اصل البيت
ومنه ما اطيق شي اسمه رومنصيه
وجيتك منهم مدري عنهم
وتقلدوا تحيتي
رد مع اقتباس
المفضلات