جريش أميمتي ...
[align=CENTER][table1="width:70%;background-color:black;"][cell="filter:;"][align=center]
السلام عليكم ورحمة الله وبركاته
مسااااااءكم \ صبااااحكم ... ورد وفل وكادي ..
شلونكم شخباركم ..
اليوم صلحت على العشاء جريشه ..
طبعاً الجريشه هذي من طرق أميمتي الله يحفظها ويخليها ..
وبما أني أخذت سر المهنه منها ...
قلت أجيبه لكم تستفيدون منه ..
لآن أغلب الناس مايضبطون الجريش .. لا صلحوه يغدي تقل رضم مكوّم ... ههههههه الله لا يبلاني ..
والحين ابحط لكم الصوره عقب ماغرفته بالصحن ..
وماشاء الله لحّسوا الصحن تلحيس..
بس حسافه ماصورت لكم الخطوات..
بس مو مشتكله ..
........
المغااااااادير.ومغاااااادير ياقلب العناااا مغاااادير...
1-جريش على حسب الكميه المرغوبه ..
ينقّى ويغسل وينقع ليلة كآآمله بماء ويحط بالثلاجه ..
2- بصله كبيره مقطعه صغير..
3- سمن بلدي ..
4- ملح ..
5- 4مكعبات ماجي..
6- رشة ملح ليمون << عشان الطعم الحامض بس لا تكثروون ..
7- قدر ضغط للمستعجلين وقدر عادي للرايقين ..
.......
الطريغغغغغغغه..
نكشن البصل مع السمنه "الدهنه" ونحط عليه مكعبات الماجي + الملح + الجريشه بعد مانصفيها من الماء..
ونزوّد ماء..
أكثر من الجريشه ..
يعني لو كانت الجريشه لنص القدر ..
املي القدر ماء ..
ولو هو قدر ضغط .. قفليه بعد ماتحركين الجريش .. اول ماتصفر الصفّاره حقت القدر اقصري للنار ..
عشان مايحترق ..
وخليه نصف ساعه لو الكميه كبيره ..
ولو الكميه قليله ربع ساعه ..
.....
بعدين نفتح القدر .. ونزوّد ماء اذا حسينا انه صار ناشف مره ..
ونقلبه بملعقة خشبيه كبيره ..
ونذوق ملحه ..
أنا احب ملحه يكون طالع شوي ..
وبعدين نحط معه 2حبة ليمون أسود+ 2 قرن حوار "فلفل حار "..
ونقلبه ..
ونحط عليه حليب المراعي ولبن المراعي ..
يعني مقدار كوب كوب تقريباً..
كوب حليب +كوب لبن ..
.......
ونخليه يطبخ مع التحريك المستمر ..
......
ملاحظه: نحطه بقدر ثانيه غير قدر الضغط ونغطيه .. واذا لا قدّر الله احترق .. نقشر بطاطسه وحده ونقطعها ونحطها معه ..
ملاحظه: لازم يصير الجريش رخو " شبه سائل " وهذا نتحكم فيه باضافة اللبن والحليب والماء ..
....
ونخليه يطبخ تقريبا ساعتين
.....
نجي للكشنه اللي عالوجه ..
1- بصله مقطعه شرائح رفيعه ..+ سمنه + ليمون اسود مطحون << تكشن على النار حتى يصبح لونها أشقر..
2- طماطم مقطع صغير .. + ماء+ بهارات << يكشن الطماطم بسمن ويضاف له الماء والبهارات حتى يصير شبه ايدام " مرق"..
......
نجي لطريقة التقديم ..
نحط الجريش بالصحن طبعا يكون صحن له قاعه عميقه شوي لآنه سائل ..
ونحط فوقه كشنة البصل ..
ونصب عليه شوي سمن ..
ونرش فوقه ليمون أسود..
......
ونحط الطماطم بصحون جانبيه ..
....
ويؤكل بالهنا والعافيه ..
.....
تراه مو منقول والصوره انا صورته هذا عشانا اليوم .. والطريقه طريقة ام راكان >> أمي..
...
لولو << لا يغركم تريه سنعه .."فيس مستحي"
<< رثعت بلألوان
[/align][/cell][/table1][/align]
رد مع اقتباس
المشاركة الأصلية كتبت بواسطة الشمـــ نور ــــري
المفضلات