السلام عليكم ورحمة الله وبركاته
مبروكن عليكم المطر اللي باول الوسم وعسى الله يتبع له ياكريم
الاجواء بحايل باريسيه وعلى الكيف
تسيف قهوة وشاهي السيل ينشفق له
ياملا السيل ياجو
تدرون وش احلى مابالمضايف ؟؟
انا الواحد لاغاب عنه مده ورجع يلقى كل شي على وضعه ـــــــــــــــ جمعة الاخوان عسى الله لايفرقهم والتواصل والمحبه والواضحه
ومهما غاب عضو عن المضايف ماتحس بغياب احد ماهو تقليل من احد بس البديل ينتظر فرصته وهذي اهم ميزه
يعني اشبه ماتكون بمنتخب البرازيل
ولا انسى اني اشكر ابو ماجد وابو ضاري الله يجزاهم خير على تواصلهم الدائم
وكل الاخوان والاخوات اللي سألو عني بالفتره الماضيه ولاهي غريبه التواصل الاخوي عنهم
يستاهلون اعدهم بالاسم ونبادلهم السؤال عن الحال بس بحكم انقطاعي مدري من سأل ومن ماسأل
مصيرنا نعرفهم
كوكع الماخوذ
كوكع ماخوذه من تقوقع او تقاعس او من هالحتسي
اما الماخوذ فهذي عند ابوضاري يفصله لكم ويلبسه
يمر على الواحد ايام يحس ان حظه قام وبدا يخدمه لكن مايلبث الا ويطبدزله تطبيدزتن تدبل التسبد
الموضوع ماله علاقه بالتطير بالعكس هو واقع وشي مكتوب !
انا من النوع اللي حظي احياناً يسوى قبيله لو انزل خمسة اريل ارجع له بعد شوي الاوهي خمسميه<<<<< قويه هاه
يعني حظي بالعلالي وماشي معي على الكيف ...
بس يمر علي لي يوم ولا يومين يعيفني بعيشتي
يعني لو انا خابرن بمخباي خمسميه قبل شوي ـــــــــــــــ اجيه الا وهي ريال منقطع
قبل كم يوم كنت بالدوام ومعي واحد من الشباب يبي يمشي لحايل
قالي مصيول مفتاح الشقه ابي احطه بدرج موترك وانا ماشي اوكي ــــــــــــ اوكي !
عاد حظي هكاليوم لك عليه
وانا اتوضى لصلاة الظهر طاح جوالي ياهو اربعين قطعه !
حتى الكاميرا نقزت هي والعدسه كحادثه تسجل الاولى من نوعها
المهم خلصت اشغالي وانا منلهد ومنغث والجو غبار ومطر !
ماتجتمع بس ببريده كل شي يصير
يعني بدال ماهو غبار يتسوحك لا يجيب المطر الغبار ياما يلصقه على جبهتك
طلعت لموتري ادق سلف يخلف الله
الساعه 3 وشوي يعني دقايق على اذان العصر والعالم مشو من الساعه 2 !
جلست اشر ماحولك احد غبار ومطر وهوا !
مشيت لي كيلوين وقف راعي دينا ومن راعي دينا لقصيمي بريالين جيت الشقه حالتي حالة وزى !!
تقل مغموس بلي خبرا ثوبي كله طين من المطر واعراض الخشه بانت
يوم جيت الشقه الا والمفتاح
والجامعه شي عشرين كيلو !!
ويوم اربعاء الزقرت كلهم بحايل ــــــــــــــــ والجوال
رحت وجلست عند الحلاق للمغرب تقل ضبط الجو ـــــــــــــــــ طلعت سطحه للسياره وخنقه مع سكورتية الجامعه يالله وبالله فتحو البوابه وخذيت السياره للصناعيه
رجعت للشقه الساعه 10 تعبااااان
واول مادخلت وهو يطفي الكهرب !!!
اشوف شقق العماره شغال الكهرب بس على شقتي طافي
وادق على السوري فيد الاستقبال طلع البلا من الطبلون !!
قال الحين مايمدينا نصلحه الوقت متأخر لكن بكرا نجيب كهربائي ونضبطه !
يعني الليله انواااع الحر
ـــــــــــــــــــــوكوكع الماخوذــــــــــــــــــــ
قالي واحد من اصحاب الخبره بكوكعة الماخوذ
يقول لاشفت مواريه كذا حط راسك هكاليوم ونم ولاتقوم الا ثاني يوم
نشوفكم على خير تمسمو
رد مع اقتباس
المفضلات