ياويســـــي
ياعيون جدي لا تضايقت قلي
ياروحي يا انا
والله يجي مني بس انتم علموني كيف اضبط الوزن والقافيه
وازهلوا الباقي
والله لا اغرقكم خواطر وقصيد وعلوم سفره
ومايمنع احيانا نقرن مع القصيده قصه قصيره يعني على حسب الفضاوه
ابد مايمدي حديكم يزكم ولا ينوجع الا انا جايه مطبدز بلي مرثيه
تبتسي مهو بس الاوادم الا التيوس ان كان به احساس
خلوني يالربع افش خلئي <<< وش عنده مواليد صيدا
ابي افجر هالمشاعر المكبوته
عاد انا ليا تفجرت مشاعري يووووووووووووووووووه ( ايقونة واحد ماسك راسه )
بحل يانووي نجاد ورحمة صدام
دمار شامل مهي مشاعر اللي احتويها <<<<< هاه انفع عقب هالجمله ترى حيل شديت حيلي به
ابي اخلي الحرف من فوق خشمه يخضع لي
طيب غصب خاضع خاضع الله لايعوق بشر
بصراحه شي حلو ان توصل ماتحس فيه لعامة الشعب بأقصر الطرق
يعني بدال ماتخمس وتفحط بيديك ورجليك ساعه عشان توصل رسالتك
تمخمخ لك على بيت بيتين بالكثير وانتهت المشكله
Easy and sympol
هذا غير التميلح والترزز عند شايبك ( خشة واحد يطق صبع )
اكا اللي ليا بغى يصحيك على المدرسه عشان تذلف تطلب العلم
تعطيه بيتين مدح شرط ان يخرخر معك ويقول عفيه ولدي
كمل نومتك يا كنهشة من مشى هالكنهشه
انا الغلطان اللي صحيتك
لا ومن الوناسه يمكن يسجد سجود الشكر
بمناسبة وجود هالتحفه ببيته
وين يلقاها ولد مؤدب ومانا حليله وفوق كذا شاعر
شرط ان اصبحه وامسيه بقصيد
ان ماخليته يطوح شرطان ابو ملوح
ماكون ابن ابوي
ياناس خلوني احقق امنيتي واتكي قدام << بتسى بتسى
ابي اتكي جنبه وهو مسافر
مهو منرزع ورى تقل جنط بونفيل
لا ومن حلايا الوجه لابس فنيلة الهلال سلكي لا سلكي
ذال على ثوبي الدفه يتعفط ولا يتوصخ بهالزيوت
هو صحيح ان التكيه ورى فله وبراد
ويحصل به احيانا تشفيط لتقزير الرحله
لكن ياخي تعبت
ابحس اني فرد مهم بهالعايله
ابحس اني معطاء مو مهمش كما انا حاليا
وهالشئ مايتحقق الا اذا صرت شاعر
خلك على السيدين نقلبه نقل ومكده
هالبيت حلو لكن مشكلته مكسور
علموني لا والله افجر بكم انتم ومضايفكم <<<<<<< اشتهى الباند السريبيت
ايه صح قبل لا انسى
عندي بيت يتيم يعطس الافاعي
لكن مادري هو يحتاج وزن وترصيص ولا لا <<<<<<< ادري انها بايخه لكن تحملوا بثارتي ماحد قالكم تطيروني بالعجه
وقلت فيه
يابوي انت اطلق واحد شفته بحياتي ـــــــــــــــــــــــ حتى وانا ببطن امي ادري انك ابوي <<< مهوب عاقل حليل قباني
<<<<<<<< ماودك تاكل هوى
>>>>>>>> الا
ماذكر اعلاه حرر بتاريخ 23 _10 _ 2009
* صوره مع السلام للقائمين على المضيف النبطي
يمكن اكسر خاطرهم ويتبنون موهبتي
رد مع اقتباس
المفضلات