غريبه يامعاندنـي , تجـي واتقـول جـاك امـنـاك
تجـي يوميـن ثـم تبعـد , وقصـدك بـس تذبحنـي
غريبـه كـل هالعالـم , تلفّـه لــف فــي يمـنـاك
ولا لك بيـن كـل النـاس , غيـري وانـت خابرنـي
تعوّذ من بليـس وهـاك , دام القلـب , راضـي هـاك
( حبيب ) القلب واسكن ( نبضه ) , واحتـل واشربنـي
أنا يجتاحني رجفه , لو اسمـع بـس , وقـع اخطـاك 
اجل وش عاد لـو شفتـك ؟؟ , حشـا , والله تموتنـي
أنا لو سلهمت عينك , بعينـي , قلـت لـك ( نفـداك )
أنـا داخــل بـوجـه الله , ـــــــــــــــــــــــــ لا تضيّعـنـي 
انا من وين ماوجهـت وجهـي , فـي الوجيـه ألقـاك
أحـس انـك تبعثرنـي , ولا ادري كيـف تجمعـنـي
أجي لك شرق يسرقنـي , جنوبـك , وانسحـب منّـاك
وأجي لك غرب يسرقنـي , غروبـك وانـت تشرقنـي
انّـك معـي دايـم , واتـوه بعالمـك واحيـاك
وافوق احيان واتسائـل , لـك الله كيـف سخّرنـي ؟؟
تفاخر ( لعنبوا غيرك ) 
, ترى غيـرك , يمـوت اهنـاك
وربـي ينتظـر كلمـه , وأصــد وهــو يكلمـنـي
ومادام الله عطا لـك شـي , فاشكـر واغتنـم ماجـاك
ومـادام اتشوفنـي ساكـن , نصيـحـه لاتحرّكـنـي
أنا لو قلت لك بانسـى , ورب البيـت , صـدق انسـاك
لذا : , لـو شفتنـي بانسـى , فانـا طالبـك تمنعنـي
واذا قـررت تمنعنـي , وشفـت ان القـرار أعـيـاك
مـا بيـك اتقـول وش تبغـى , تـرى والله تضايقنـي
انا أبغى ؟؟ , قول وش ما ابغى !!, على بعضك كذا أبغاك
ولعيـونـك , باخرّبـهـا , واذا مجـنـون قـيّـدنـي
أبيه ايصير فـي عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي
أبي حبّـك , وأبـي قربـك , وأبـي ( لبّيـه ) يالبّـاك <<
خخخ
أبي ضمّك , وأبي شمّك , وأبـي لـو طلـت تجرحنـي
أبيـك ان قالـوا الشاعـر , تقـوم اتـفـز دون ادراك
أبيك اتحس بـي دايـم , أنـا اقصـد وانـت تسمعنـي ,
وقـل مجنـون لا يسمـع , ولا يفقـه , وانـا اتحـدّاك
ايلا منّي نويت انسـى , باشـوف اشلـون تمنعنـي !!
مما راق لي
رد مع اقتباس
مشرف مضيف الترحيب والتعارف
المفضلات