السلام عليكم ورحمة الله وبركاته
صبآح الخير يالربع ويالربعات وش اخباركم ياعلكم طيبين
أحلى تحيه للاخوان والاخوات الغايبين<- إن شاء الله نسدح ابو شداقات هذا لهم عن قريب
زي ماتعرفون اني ولد مؤدب ولا آحب المشاكل ولا احب اللجه
السالفه هذي بسوق النعيرية تقريبا وتحديدا مادري بس مبطي
وآكشخ ياأنا بثوب الدفه والرقبه واسعه وتحته سروال رياضه ازرق وطاقية ام جنيه
وآجي أبركب وهو يطردن ولد عمتي
<- ماسويت له شي قسمن بالله بس اني مولعن طرطعانه برجله وهو نيم البارح
وانا ابتسي واتمسك بالسياره وهو يوقف غصب وانقز ورا
السوبر يالربع اللي بوه اصغرهن عمره 40 وكلهن عجز يجيلهن فوق الـ10
وانا بوسطهن تقل راس طير وابتوسم واطلع من مخباي علك وأوزع عليهن
يوم وصلنا السوق وانا أنزل واحط ثوبي بسروالي ومعي شوحط حاطه تحت اباطي
يعنني رجال مع الحريم هههههههههههه
وهن يتفرقن وانا ابلش <- اللي جو سوق النعيرية يخبرون الزحمه اللي بوه
وانا امشي ورا لي عجوز على انه عمتي الكبيره
المهم المهمات
وفي بنت بجنب امه وانا اراعي له وهي تبتسم وانا انزل راسي واراعي بطرف عين مابي احد ينتبه
وباللي ماهداني طلعت علك وانا أمده له
والضحكه شاقتن وجهي
وهي تاخذه وتغيب ورا امه
وهي تجيني رعده وطنخه غير شكل
الا على مرت شباب من جنبي ويغازلون بنت تمشي
وانا امحط حديهم بالشوحط لاشعوريا
يوم محطته وانا اراعي لعشيرتي واتبوسم واحط الشوحط تحت اباطي
ماخذيت الا اذني له صفير
وماامداني التفت الا فقرات العامود الفقري انضغطت على بعض من ضربتن جته
وانا اتحرول
وتبوني انحشت ولا زبنت بعمري
نكست وانا امسطوه مرتن ثانيه بالظهر وهو يلتفت لي
وامسطوه بالوجه هههههههههههههههههههه
وهم يتكومون علي وانا يالربع حتى شاربي ماطلع ياويلهم من ربهم اللي مايخافون الله
ويا الله يفكوني العالم وتجي حدا عجزنا وتدعي عليهم وانا ماسكن البتسوه
تخبرون العشقه تراعي لي <- امحق من عشقه
ويوم ركبنا السياره وهي تطري علي طاقيتي
طاحت بأرض المعركه وهم يعيون ينكسون له ويشرون لي درزن من كثر البتسا
ايه صح يالربع
نصيحه لحد يقرد روحه علشان حرمه تره لاشافت الصحيح تنحاش وتخليك وحيد بأرض المعركه
تستاهلون الزين يالربع بس اندبلت تسبدي ابي اكتب زي هالعالم وكتبت لكم هالسالفة طرت علي مشوين
توسدو إحترامي
رد مع اقتباس
المشاركة الأصلية كتبت بواسطة ريتــ حائل ــاج
المفضلات