المشاركة الأصلية كتبت بواسطة أبو رغد
تسلم يمينك وبيض الله وجهك يا أبو أحمد
والنعم من الي ذكرت أفعالهم ترفع الراس وذكرهم نوماس
نعم العبر كثيرة من هذه المعركة وأهمها انه اذا سادت روح الجماعة واستبسل كل فرد في سبيل المصلحة العامة حصل النجاح المنشود..
وفيها الشورى المحمودة وفيها الفدائية وفيها الحمية وفيها حسن التظيم والاستعداد وفيها وفيها الكثير ممن افتقده الخلف للأسف!
أخي أبو أحمد هذه قصيدة لأحد الصفران مدح بالدغيرات ومباركة لـنواف الجفال من العليان لفوزه بالمجلس البلدي وفيها ذكر لمعركة مقادح وطويسان حين تعريف القائل بانتماءه للصفران أراها مناسبة ايرادها في هذا الموضوع الجميل..
[poem=font="Simplified Arabic,5,skyblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بإسم الولي أنقى من الحرف ما يليق=واختار معنى للنشاما يليقي
وابديه للغالي على الكل توفيق=الي لجزلات المعاني شفيقي
ابن اللرجال الي بهم يكشف الضيق=والجار بين بيوتهم ما يضيقي
دغيرات يومه بالرماح المزاريق=عدوانهم منهم دماها هريقي
عقّيل قوم وبالمعارك مطافيق=لا ضيق الصابور والجيش سيقي
أما الكرم ساقوا لهم فعل ما سيق=ولا غيرهم أظن مثله يطيقي
سبع الخلا يعلّق له الكبش تعليق=هذا الكرم، وش عاد راع الحريقي
فعلٍ صحيحٍ ما نلبّقه تلبيق=تاريخ بأنواع المراجل عريقي
واليوم أبارك للرجال المطاليق=على النجاح الي تجسّم حقيقي
نواف فاز وجعلها له توافيق=عسى دروبه ما يجيبه معيقي
سرَّن كثيرٍ شوفي الكل مشافيق=لنجاح ابو توفيق عز الرفيقي
قلت السبب قالوا خذ العلم توثيق=نواف عند الكل أخوٍ شقيقي
طيب كريم ويفزع بنشفة الريق=واخلاق حسنه والتعامل رقيقي
وليا وعد صدَّق له الفعل تصديق=وان قال كلمة ذاك عهدٍ وثيقي
قدم ومن قدم يلاقيه تحقيق=ولي زرع وردٍ بيجني رحيقي
بالخير تلهج فيه لسن المخاليق=وبصدورهم لا شك ماني مويقي
منا مسوِّق طيب الجد تسويق=اسمه ظهر كالنجم يبرق بريقي
للشمري أفرح من اقصى المعاليق=واعتز بمجده حاضره والعتيقي
ماني مدقق بإسم من فاز تدقيق=منهو نجح يمار سمني بدقيقي
وانا من الي للمعالي عشاشيق=ريف الخوي والضيف درع الصديقي
صفران مروين الحراب المذاليق=وايمانهم بالسمن تدفق دفيقي
عن العور والعورات عورٍ مدانيق=وشمن نظرهم بالمواقف غميقي
يشهد لهم بطويس ومقادح البيق=جمع جموع القيق وراحوا بقيقي
وابن الضفيري جارهم كنه بطويق=والشيخ ما ياخذ حلاله وسيقي
والطيب في كل الخلايق تفاريق=ما خص به شخص ونجع وفريقي
والحمد لله في ختام الطواريق=صفّيتها لو ماش در وعقيقي
وصلاة ربي بالمسا والتشاريق=على شفيعي ساعة يجف ريقي
[/poem]
[poem=font="Simplified Arabic,5,skyblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
[/poem]
*طويسان ومقادح معركتين بين عبده وعنزة بقياة فهد ابن هذال الملقب بـ (البيق)
*الضفيري جار للعفاريت منعوا الجربا من وسقة حلاله وكان الجربا موكل بالضفير لأخذهم فود أحد الجربان..
رد مع اقتباس
المفضلات