يالربع الله يمسيكم بالخير كلٍ باسمه
امس وديت حدا اخوتي هالصغار يم هالمحطه ابي اشتري له مرزق المسكين الناس كله صايمه وهو ينغت هالرضم يبي ياكله من الجوع
ولا وديته الا بهذيك واخته يعني يما وطأ على غاربي ابوي وقال انهج بأخوك يم هالبقاله واشر له يا مصقان قلت تامر امر وانا اجر اخوي مع شوشته
واركبه بالسياره وبالمحطه لفت انتباهي ولدين صغار ابو ثمان سبع سنين هالولدين من شفتم يمار هذولا وغدان البدو اللي نخبرهم ثياب وصخه وشدوق ممشقه ونخارير تدودل يالربع تسيف من شفتهم وهو يطري علي لي موقف حصل لي في ماضي السنون
تخبرون يون الناس تشحن يم الشرقيه قبل حوالي اربع سنين المهم ابوي عطاني السياره وقال ولدي وين ولدي ابيك تنهج
مع راعي التريله ولاتنزلون الا بالمكان الفلاني قلت يبه انت تحسب انك طلبت شي مال الا رضاك ازهله ابد غنمك بايدي امينه<<طالع من السالفه ماتقل هو ولد له خخخخخخ
الوكاد اقلعنا على بركة الله ووصلنا بسلام امرحت هكالليله مع الراعي ومن باكر جاني ابوي وقال دي لا اشوفك دور اهلك يا ابا النكوث <<جته من الله
وهو يزخن عمي وهو يديني لاقرب نقل جماعي يوم وصلنا يمار انا تقل وجه مطفلٍ تدور ولد اتلفت لا بطاقه ولا هم يحزنون موهنا عليهم تسن الراكب عمي وهم يمشون امورنا
الوكاد بنص هالطريق يمار حدا زملائي يدق علي قلت العلم يافلان قال خويانا مخيمين ونبي نحنشل عليهم الليله قلت مهي هي قال الا هي مار عطن روحك الوكاد وهو خذاني فودان من الباص واتجهنا الى مصيرنا البئيس
وسوينا لنا خطه الوكاد يوم وصلناهم يمار فيه حرص على المخيم دخلنا عليهما على اننا ضيوف وجلسنا وتقهوينا وهو يتنهض خويي من عندنا انا نغزن قلبي اعرفه مايتقيد بالخطه يوم فطنت يمار هذا الرمي اثري المروح رمى الطرطعانات اللي معهه عليهم مافطن الا يوم تناطقت عليه خلق الله تقل ذيابه وهم يتغصونه هكا الثنين يمار له صياح صلعان وين صلعان وانا اجيك مطبدز تقل سلايقي وافكه منهم وهو يهرب واحترف ابي اهج يمار مهي باللي انت تبي الوزن مايساعد
وهو يجيني الاول يمار منا حليله وانا ادلقمه وارفس به بالقاع وانا ارفع راسي يمار امة محمد على راسي وهم يدبوني هكالدبه المحترمه ياما ذقت الموت وهم يتستفوني بهكالحبل وكل هكالليله وانا تقل وجه طلي مجلوب مافكوني الا على الصلاه ذبحن البرد الله يجيرك
((ودمتم سالمين ))
رد مع اقتباس
المفضلات