.. تلولــسـت يا شــــــــمر ..

[فارس الصحراء]

بسم الله الرحمن الرحيم


السلام عليكم ورحمة الله وبركاته




عنوان الموضوع .. هذي لها سالفه ..

..

يقولكم شايبن شمري يصلي بربعه ..

..

قرى الفاتحه ..

..

وعقبه قرى له صوره ولخبط به ..

..

يعدلون له ربعه .. وهو عجز يلقط ..

..

ويعيد الايه .. ويعدلون له ..

..

وعجز يلقط ..

..

وهذا هو ما غير يعيد الايه ..

..

يوم انه خلاص .. بحل بعمره ..

..

وهو يلتفت لهم .. ويقولهم بزعله ..

..

تلولست يا شمر .. ما يفيد ..

..


..


..




كل عام وأنتم .. بخير .. ورمضان مبارك عليكم ..

..


افرك يديني .. وافكر وش اكتب لكم ..

..

..

..

..


مرت ثلاث دقايق ..

..

..

جت فكره .. بس ما أعجبتني ..

..

..

..

بس لقيتها .. طبعا بعد مرور خمس دقايق ..


..



ان كسبت نفسك .. فأنت الرابح .. وان كسبك الأخرون .. فأعلم انهم .. هم الرابحون ..

..

اذا أتتك فكره .. ولم تعجبك .. لا تنساها .. بل اكتبها بورقه .. ربما .. تستفيد منها مستقبليا ..

..

المشاعر .. احاسيس يجيد اللعب عليها العشاق .. والكذابين .. بشرط ان يكون الكذب بشطاره ..

..

القلم .. أداه .. للعلم .. وأداه لتوضيح الخافي .. ولطمس الظاهر ايضا ..

..

الصحافه .. شئ حقير في وقتنا .. لأن القائمين عليها .. .. .. .. .. .. وبس ..

..

الساحه الشعريه .. خلاص .. امتلت من الغثاء .. لم يعد هناك مكان .. للجيد ..

..

..

..



قبل لا أتلولس انا .. بعد ..

..

ابي اقولكم .. سالفه ..

..


هذا مره من المرات ..

..

وقت الربيع ..

والخيرات ..

..

قلنا نبي نروح نتفقع ..

..

انا وابوي وعمامي .. ومعنا ناس من الربع ..

..

طلعنا قبل الفجر .. وأخذنا فطورنا معنا .. واخذنا ذبيحتنا ..

..

والله .. يوم طلعت علينا الشمس .. وحنا بالطريق ..

..

وهو ياقف ابوي .. وننزل العزبه .. ووقفوا الربع ..

..

ونضبظ الفطور ..

..

والله يوم ضبطنا الفطور .. وافطرنا وعينا من الله خير ..

..

هو يفرع واحدن من الربع .. ويطالع لعمن لي ..

..

ويقول له .. يا حلولات يالشر على هالصبح ..

..

وين الله ما يجيب لنا .. طلاب الشر على هالصبح ..

..

ونصفقه بهالعجرا .. وعمي معه اي والله يا حلو الشر حلواااااااه ..

..

وأبوي ما غير يالربع عينوا خير .. وحدوا الله ..

..

الرجال بعيونهم الشر يبيون اي واحد يهاوشونه ..

..

والله وحنا .. ندخل مكان .. ممنوع .,. على الحدود ..

..

ونتفقع ..

..

جت الدوريه .. وتكلم اللي من الربع هذا ..

..

يا فلان ممنوع تفقعون هنا .. روحوا مناك .. بكل ادب يتكلم العسكري ..

..

يطالع له ذا ويقوله .. حاتس عقالي يعني سولف على عقالي ..

..

قال ما عليه بس ممنوع ..

..

قال رح لهكا الرجال واذا مشى انا امشي هو ريس هالرحله ..

..

الرجل اللي هو عمي ..

..

وهو يجي عند عمي ..

..

السلام .. وعمي ما رد السلام .. >> يبي الشر ..

..

العسكري .. ما قال شي .. قال يا رجل ممنوع تفقعون هنا ..

..

ابعدوا عن هالمكان ..

..

عمي قاله وش قالك الرجال اللي انت جيت منه ..

..

قال يقول لي حاتس عقالي ..

..

قال وحاتسيت عقاله ..

..

قال شلون .. وش تقول انت ..

..

قال ما سمعتني انت ..

..

قال سمعت بس عطني اثباتك ..

..

قال ما عندي اثبات ..

..

قال العسكر ذا اخر كلام ..

..

قال ايه ..

..

والله وهو يديور العسكري ..

..

ويكلم ريس المركز .. اللي هو مركز سلاح الحدود ..

..

شوي الا خمس دوريات ..

..

عند سوبر ولد عمي ..

..

وهو وياهم معافس ..

..

واركب انا وابوي الددسن ..

..

ويمهم ..

..

يوم نزلنا ..

وينقز ولد عمي يا عمي تكفى ..

..

يبون يكــلــبشوني .. >> طبعا ولد عمي ما يدري وش سوى ابوه ..

..

والله وابوي .. يمسك الكـــلبــشه بعد ما انتخا ..

..

ويجدعه ..

..

ويمسك ريس المركز ..

..

قال انت وش تبي .. ووش عندك ..

..

قال تعال معي شوي ..

..

والله هو ينحرفون .. ويعلم ابوي بالسالفه ..

..

قال ابوي بسيطه بسيطه ..

..

الحين يجون ونشوف السالفه ..

..

الوكاد جو وتصير عفسه ومقاضب شوش ..

..

الوكاد انهم .. بالاخير .. وبعد اتلهوش ولعنت ابو الجدف ..

..

مشينا يم المركز .. مركز ثاني تابع له المركز الأول ..

..

قلنا حبس ما ندخل .. قالوا ابد انتم بس امشوا اجراءات .. ونخلصها بس..

..

وهم يدخلونا .. للمركز يا مار عندهم ..

..

غرفه مكتوب عليها مجلس الضيافه دخلونا بها ..

..

حنا استانسنا ..

..

شوي الا قفلوا علينا ..

..

احبسونا ..

..


ما لكم بالطويله ..

..

بس اننا ..

..

من الضحا وحنا عندهم .. الين الساعه اربعه العصر ..

..


وقضينا روحتنا بمجلس الضيافه ..

..

..

..

..

.
.
.






فيالربع الشر مو زين ..

..

واذا جنبك الشر جنبه ..

..

مثل ما قال محمد ابن مهلهل الشعلان .. يوم يقول ..

..

لا شفت ضول الناس بالك تعسه .. // .. وان جنبك شر المخاليق خله ..

..

..

..

..




احبكم في الله

..

..


تلولسوا بتحيتي .. ليس بلحيتي ..

..

..

..



بقلم // فارس الصحراء11

[عبدالله الجعيثن]

ادفع الخمس




وبعدين افكر ارد عليك

[فارس الصحراء]

ابو غازي ..

..


ما ني شيعي وفتوتك ما تمشي علي ... هههههههههه

..


ما عندي لك خمس ..

[صعوة فسفورية]

من جدك انت

صايمين وموضوع طويل عريض


برب وراجعة ..

[فارس الصحراء]

تحطيم لا حوووووووووووووول ..

..

طيب .. على راحتك يا صعوه .. بأنتظار رجعتك ..

[الحنشل]

ياويلي منا طول موضوعك


لعبنوا ابليس هذا وانت صايم


و شلون لو انت كاتبه بعد الفطور


راجع لك بعد الفطور و ابي امزمز على موضوعك

[عبدالله الجعيثن]

^
^

وانت مصدق انه صايم



شف قراطيس لوزين جنبه

[الحنشل]

ايا المذهوب


ابو غازي طالبك شور به

[فارس الصحراء]

الحنشل .. مزمز على كيفك ..

..


..


اشوف انت تمزمز وانت صايم ما قلنا شي .. اسم الله عليك ام انتا ..

[فارس الصحراء]

الجعيثن انت والحنشل ..

..


تراني اليوم صايم ..

..

وأظني ابي اصوم أول يوم وأخر يوم بس ..