أستفسار عن القصه والابيات

**أبو عائد** · 09-07-2009 16:53

عينيك ياراع القعود=ياللي تحده يمنا
اليا تلاقن بالسنود=نرضيك ونزعل عمنا
الابيات قيلت في مناسبه أرجوا من الجميع ومن لديه معرف أفادتنا من المهتمين بالتاريخ والابيات كامله والمناسبه مشكورين ..

**خلف الرويتع** · 09-07-2009 21:14

المشاركة الأصلية كتبت بواسطة أبو عائد

عينيك ياراع القعود=ياللي تحده يمنا

اليا تلاقن بالسنود=نرضيك ونزعل عمنا

الابيات قيلت في مناسبه أرجوا من الجميع ومن لديه معرف أفادتنا من المهتمين بالتاريخ والابيات كامله والمناسبه مشكورين ..

هي ليست قصيده هي حداوه وهي للفارس برجس ابن مجلاد غدير الموت شيخ الدهامشه من عنزه يقال انها في بنت ابن ربيعان وعمنا يقصد الامام فيصل ابن تركي كان ابن ربيعان مطلوب عند الامام فيصل ابن تركي وكل مارح الى احد شيوخ القبائل طرده وقال دمك لايملني انت مطلوب من الامام فيصل وفي الاخير جاء عند برجس ابن مجلاد بالقصيم واجاره برجس ابن مجلاد وحدث الخلاف بين عبد الله ابن رشيد وساجر الرفدي وابن مجلاد وجلاهم ابن رشيد من نجد الى عرعر وابا القور وذبحهم وعندم علم فيصل ابن تركي بذلك زعل على ابن رشيد وارسل ابن رشيد اخوه عبيد ومعه القصيده المشهوره
الي مطلعها

ياشيخ انا جيتك مسير وبلاس ++++ وباغي اشوفك يامضنه فؤادي

وشرح عبيد الوضع الى الامام فيصل ابن تركي وانا احد الاسباب هو اجارته الى ابن ربيعان وانت مانع اي شخص يجيره وهناك اسباب اخرى حدثه من اهل القصيم والرفدي منها اطمع بالحكم جعلتني اقتلهم

**ولد البدو** · 13-07-2009 23:04

ياشيخ انا جيتك مسير وبلاس ++++ وباغي اشوفك يامضنه فؤادي

لاو يقول

ياشيخ انا جيتك مسير وعساس = وباغ اشوفك يامضنة فؤادي
لانه كبيره عبيد الرشيد يحط نفسه بهالمكانه بلاس يعني بلوس!!!!!!!!
محد يقبل هالشي والا انا غلطان.
بعدين لاتنسون الاولى مصدرها كتاب ابطال من الصحراء للسديري ومعروف موقف السديري من الرشيد خصوص وشمر عموم؟؟
مودتي

**المفضلي11** · 13-07-2009 23:21

انا مع كلام اخوي ولد البدو

فارس وامير مثل عبيد الرشيد يصير بلاس صعبه جداً
هذا بس بمعركه وحده ذبح بشذرة السيف تسعين
هذا اسطورة الزمان ما يخاف من ابن سعود ابداً ابد وخصوصا ان هكالوقت دولة شمر قايمة وبكامل قوته
يعني ما يحتاج يصير ادنى واحد من شمر بلاس
فكيف بامير وفارس مغوار مثل عبيد الرشيد

انا اتوقع انه يقول

يا شيخ انا جيتك مسيّر وعساس
وشكرن

**خلف الرويتع** · 14-07-2009 00:11

هلا وغلا بالاخوان والد البدو والمفضلي 11 نحن ننقل مانسمعه واطلب دخول الراوي الغسلان والتعليق على الموضوع

اخواني
كثير مانسمع بلاس ودائم يتم نقلها بلاس وانا اعتقد الذي يفصل فيها هم الشعراء حيث انا الشاعر يعرف ويفرق بين عساس وبلاس واكيد كل كلمه لها معنى يختلف عن الاخر واعتقد ان باقي القصيده يدل على المعنى الحقيقي للقصيده انتظر راي الشعراء ايهم ابلغ بلاس او عساس وهل اذا استخدم عساس يعطي نفس المعنى امل ان نجد الاجابه الشافيه

**المفضلي11** · 14-07-2009 00:30

ابو عتيق حياك الله
وحنا بانتظار الراوي ابو فهد
وشكرن

**عبدي اصيل** · 14-07-2009 00:52

بسم الله الرحمن الرحيم

ياشيخ انا جيتك مسير وبلاس ++++ وباغي اشوفك يامضنه فؤادي

نعلم جميعا بإن مناسبة القصيدة بوقت كانت امارة الرشيد تابعة للامام فيصل بن تركي آل سعود
وعبيد الرشيد فارس وشاعر وذكي وكذلك سياسي محنك وذو بعد نظرة
اعتقد والله اعلم ان الامير الشاعر عبيد الرشيد كان يعني مايقول
نقلها كا رسالة واضحة بولاء واخلاص الرشيد القوي للامام فيصل بن تركي وبطريقة جميلة
على قصيدة ويعني بلاس كانت مجرد مزحة رغم زعل الامام عليهم وجعل الامام يرضى تمام الرضى
ولكن بمكانها بما معناه اننا حريصين على القضاء على من يخالف ويتمرد على الامام فيصل بن تركي او على ولاة الاقاليم التي تحت حكمه وولاءهم له وكذلك بمصلحتهم الخاصة وهو مابينه بالقصيدة

وعبيد الرشيد رحمه الله واثق تمام الثقه ان الامام فيصل بن تركي ال سعود يعلم انهم ليسوا ببلاسين
بما تعنيه الكلمه انما هم قادة وامراء اقاليم تابعه له و يحاصرون الجوف ويسقطونها بيديهم فكانت
هي كلمة تقال مازحا لشخص او هكذا
والله اعلم

تحياتي

**وافي الزنيدي** · 14-07-2009 06:06

السلام عليكم ورحمة الله وبركاته

تسلم اخوي ابو عائد على هالاستفسار الطيب ...
الاخ خلف الرويتع قصيدة (مسير وبلاس) كما قلتها انت وهي عام 1272 هـ تقريباً وقد وردت في مخطوطة لهوبر 28 بيت وهي بلفظ بلاس ليس كما ذكر الاخوة ولد البدو والمفضلي 11 .
الفرق واضح ياخوان بين بلاس وعساس العساس له عدة معاني منها اللي يدور خبر يدور علم يدور شي بالليل والبلاس واضح ولكن ليست بالصورة اللي ذكرتوها وانما جت على سبيل المزح كما ذكر ابن العم عبدي اصيل والا الموضوع باين وواضح مافيه نميمه ولا شي وبعدين القافيه لها حكم على الشاعر وامور اخرى ومن ضمن ما جاء بالقصيده :
وابا اخبرك بعلوم ناس من الناس
ناس على حكمك تدور فسادي

والقصيده كامله 28 بيت موجوده لدي ان اردتوها نزلتها لكم .
تحياتي للجميع ,,,