اقتباس المشاركة الأصلية كتبت بواسطة ( ليالي ) مشاهدة المشاركة
صباحكم / مساكم فليت

اوووويلي وانا انزل من السيارة لدوام اليوم >>اتنافس مع السكيورتي من اول من يحضر كني زقرت الفله حجز 1 حجز 2
المهم وتمر سيارة الفليت حقت البلدية
قلت :الله يازين الريحه والتفت على اخوي
قلت :وش رايك نلحقها مثل مبطي
قال :سمعت ان فيه مراهقه متاخره بس طفوله ماسمعت وشكلك انتي اول حاله بالعالم ,, اعقلي بسرعه وانزلي تاخرت على الدوام
ههههههههههههههههههههه
ماألومه فيك.. يازينكممخلين دوامكم ولاحقين سيارة الفليت عشان تنشقينها
/
/
/
بقولكم الي عندي بسم الله
الموقف الاول
قلبي مجروح منك << توبيك لــ حماده
كنت عالمسن بزاوية الحوش وحماده بنفس الحوش بس عند باب الكراج
ويطلع لي توبيكه ذا ويوجعن قلبي قلت الولد حب وانجرح بعد يالبي الحب واهله
واكتب له عسى ماشر يابعد الدنيا ليه توبيك هاللون؟
قال: فيني ضيقه ومجروح من غالي
قلت: بسم الله عليك وش فيك ..! من مضيق صدرك
قال : خالي رمال يقول لي انت كسلان ليه ؟ماخذت الاول على الفصل على الاقل
وتضايقت
قلت: ماعليه الخال والد وهو ينصحك
قال:بس ولو يمه احبه ومابي يقول لي شي ابد>> حساس الوغد
يالبى قلبة ..وأنا أقول وش هالتوبيك عند حمادة



الموقف الثاني


ارسلت لولد اختي رساله الصبح على جواله (لو انشغل عنكم قريبن لروح صورة غلاكم دايمه في عيوني)
وبعد العصر جاء الرد(غلبتني بالطيب وشلون اجازيك ياكثر تقصير ......الى اخرها>> متعجيزه اكتبها طويله
المهم كلمت اختي قالت لاعاد ترسلين رسايل ابد
ماخلانا نقيل ابي رساله زينه لخالتي وما اعجبه الي عندنا
قام ابوه يدور عند ربعه ابي رساله لــ عبودي بيرسل لخالته
وارسلوا ماااا اعجبه
فتح النت الين لقى الي في باله
ويوم تقابلنا بعدها كل شوين يفتح جواله وده اني اقول وش جديدك !بالبلوتوث واخبار الزعيم
قلت :هاه معك شي ولا لا؟
قال: انا اقرا رسالك كل شوي
وبعد فتره ارسلت له رساله ثانيه ويرد علي افتقدكي بشده >> فديت هالخشيشه والسنون المتعوجه
كل من يعرفه يفرجهم على الرساله وبكل فخر
ياملحه.. والله ..
وبيصير لك مكانه عنده..


الموقف الاخير


عاد لي انا انا احب زوجه عمي حتى الان
جيت انا واختي نسلم عليها في الصباحيه عمي وده يذبحنا ويقطعنا حتت
وهي تعطيني ورده من ورده مسكتها بغيت اطير من الفرحه وصلت السماء على انها بلاستيك ( تدرون للحين محتفظه فيها)
ههههههههههه
ذكرتيني بعجايز الحارة
كنا نعرف منهي اللي دايم اذا جت يكون معها (شرط)<<< حلاو ومصاص وعلك
إذا درنا ان ام فلان جاية جينا نترزز ونسلم عليها عشان تعطينا من اللي معها.. ونروح نعلم الباقين يجون يسلمون عشان ياخذون نصيبهم
واللي ماتجيب شي مانمر ولانسلم عليها خير شر..


مايستفاد من المواقف

الطفل تكسب قلبه بكلمه ولدي عشان خاله نصحه زعل شوي لان خاله يعامله كرجل
وولد اختي رساله بـ 25 هلله ملكت قلبه للابد
وانا ورده بلاستيك صفراء اغلي زوجة عمي من اكثر من 20 سنه
اهتموا بالاطفال ابنك/ اخوك/ ابناء اخوتك /ابناء الاقارب /ابناء الجيران تكسبه لو بعلك حلاوه ولي اسهل منها كلمه حلوه
ماانسى جدتي جعلها بالجنه دايم تقول لي ياريح ابوي>> مدري عنها وش تقصد يعني سيم سيم ريحه ابوها
ولازم جيبها الجانبي مليان حلاو ابو عسل علك باطوق بسكوت لاش المهم فيه شي >>يدينا فيه دايم
أنا عن نفسي ما أذكر أن لي مواقف زي كذا مع عيال خواتي..
بس جوجو وعلاوي << حبايي ذولا
أي شي يبونه متعيي امهم على طول يحولون علي.. ماأدري هو حب من الله لي..
وإلا أنا ماعندي مشكلة في بعض الأحيان أسوي لهم اللي يبون..
فعشان كذا خواتي دايم يقولون لي أنت مخربة البزران ..الله يعين على عيالك بكرة..أما بتخربينهم وإلا بتصيرين ماتفاهمين معهم إلا بالخيزران
وش رأيك بها الكلام ياليالي ..



حنيت لطفوله البريئة الشهباء ،، من عندهم مزرعه وفيها بركه وتو ماء القليب صاب عليها..!
الله يرحمك ياجدي...عساك بجنات النعيم..

ذكرتيني ببركة جدي اللي ماتاصل الى ركبتي وكنا نسبح فيها ههههههههههههههههههههه
مسوينها مسبح وعسانا مانغرق فيها

ويني عن هالموضوع يالله لحقت عليه قبل مايروح