البارح وانا جالسه ولاعندي من الشيطان طاري
و اقرا لي كتاب ومعيتن من الله خير
يمار والله هالكتاب عن آلة الزمن
وأنا اجي ابجرب
يمار بوه طريقه وأنا اتبعه بس كذا ابجرب
يوم فطنت يمار أنا بلي حوش
وأقمز كذا منخرعه
وأدور غشوتي
يمار أنا صايرتن وغيده
و أنا اراعي كذا
يمار
شفت لي شي
مدري هو آدمي والا جني والا وحش
مشا من عندي وأنا اراعي لوه
يمار بين انه جذعن على أوله تو شنبه خاط
يمار بسم الله علينا
يوم قام يرافس و يخانق
و يتمسح بالجدران
و يصادزل وحالته حاله
وأنا انخرع منه
قلت الحين يا شافن أقل شي يبي يسويه يبي ينتف شعري
وأنا اتفطن بالكتاب
انك تصير مخفي تشوف ولاتنشاف
وأنا اقوم ابتأكد
وأنا اجيب لي رضمه وأنا امغطه به مع جبهته
يمار قام لوه نهيت وصياح منهو منهو
وهو يروح لأخوه الصغير و يدبه
وأسمع امه تقول
ياشقردي يا ملا القاهور وش تبي بأخوك
يالهايت يا تسيهاف يا ابا النكوث يالخايب
وش تبي بأخوك تندغه ندغك الداب
اللهابو ابو ابو غير ابوي هالوجه
وأنا انقطم >تذكرت خناق امي ^_^
و هو يطنى و يطلع برا البيت
وأنا اتسحته
يالربع تسيف أول ماهو ماشي مطلدز مثل الغزال
و يالله امكنه
و يوم خذيت شوي برك على رجلينه و قام يناهت
وناخذ لنا شوين و يقمز و يكمل و هذي حالتوه
يمار كان لابس
سروال يفترض ان يكون لونه ابيض لكن من عوامل التعريه غدا اصفر
و مشقشق من عند ركبه
و فنيلته سنه بيضا
دلعته هذا كبره
ومنقطع من طرفه شوين
واضح ان فيه أحد تاله معه^_^
يمار يوم راح
وجلس قدام لوه طشت مليان ما
وأنا أتهول
وأنا اقعد اتسمع لوه
يمار لوه مشاهق ومناشدز
والخشم يدرج والحالة حاله
خخخخ
و يقول
يا طشت ليه هلون
ليه أنا دايم حظي أقشر
ياطشت يوم عزمت اخوياي وبلعنت الجدف وافقوا على العشا
امي طردتهم
ياطشت ليه أنا مسلوب حقي ياطشت
ياطشت ليه يوم أول مره جيت ابقهوي وابسوي فيها طناخه وانني كبرت وغديت رجل
>انصلقت الدله على الجثري وابوه
ليه ياطشت حظي كذا ليه>>>>صوت يوسف ينعق بصوته العذب سنع نغمة تسع وتسعين
ياطشت ليه أنا من بد هالناس
هذي كله
اللي ياطفش الاحد جاني وتولجن وما يطلقن الا وهو مبتسيني
ياطشت ليه انا اغليهم و هم مايغلوني
ياطشت العن ابوك ليه ماتحتسي
ياطشت ،،،،،> أو اقول هونت أخاف شقردي يكفر بي
>>>و طول ليله يالربع وهو يتناجى هو وها الطشت
يا ويسي
و بأخر شي انقهر و مسك الطشت و ضربه بالجدار
وتطشر الما عليه
خخخخ
العن ابو القراده اللي في هالليد
وأنا انخرع لا يلحقن من قرده شين0
وأنا ارتسب التي
وأنا ارجع لغرفتي
يمار والله هذا واحد شقردي خوينا
سبحان الله شفتوا كيف الصدفه العجيبه؟
وشكرا
رد مع اقتباس
المفضلات