من مغازي الشيخ هذال بن فهيد ابنه جهز على بن رشيد وشمر واحلافهم

[متعب الخيل]

من مغازي الشيخ هذال ابن فهيد وابنه الشيخ جهز على شمر وابن رشيد




يقول محمد العلي العبيد , في مخطوطته النجم اللامع للنوادر جامع : ( وكان جهز قد اغار على اباعر شمر وهم قاطنين على الدويحرة الماء المعروف بطريق الزلفي للخارج من عنيزة فاخذ منهم 80 رعية , ولايعلم انهُ مضى مثلها ولامن الحكام , ورجع بها إلى عشيرة , ثم غزى ابوه هذال واغار على جيش محمد بن رشيد فوق الكهف , وهي القرية المعروفة بطريق حائل للمسافر من القصيم , فأخذه ورجع به الى عشيرة , وخلاصته ان هذال هذا , فهاماً نهاباً ومعطافا , واليك ماقاله به من الشعر , مخلد القثامي:






بديت ذكر الله على كـل الاحـوال وذكر الرسول مختـمً بـه كلامـي
سبحان هادينـا علـى رد الامثـال ومفهـمٍ خلقـه بخـط الختـامـي
وخلاف ذا ياراكباً وسـق مرحـال عمليـةً مـن قاطعـات المضامـي
انص الامير وطقهـا عنـد هـذال لعـل عـودً عقـبـه لرحـامـي
وسلم على شيخً من الميـل زعـال وخص الحرار النـادرة بالاسامـي
لزمن يقلطلـك مـن البـن فنجـال فيهـا بهـارً بالـدلال الحشـامـي
من مكرماتً نارها يشعـل اشعـال مايهتـنـي عمالـهـا بالمنـامـي
مع منسفٍ من فوقه الصفـو زلال عليه مـن حيـل الجلايـل يدامـي
فـي ربعـةٍ يبديلهـا كـل عيـال مدهال سمحيـن الوجيـه الكرامـي
تلقى اشقرٍ عنه الشياهيـن تنجـال وكره شواهيق الهضـاب القطامـي
صقرٍ تحدر من طويـلات الاقـذال يديرها هاجـوس عيـد المرامـي
شيخٍ يتل الخيل سمحـات الاقبـال والجيش من حوله جـراد التهامـي
وان شاف غرات العدا جاه ونـوال رفرف بجنحانه ورقـرق وحامـي
كم شيخ قوماً زوله عقب الامهـال بيضه تنوحه نوح ورق الحمامـي
وقلط سبوره يوم في الضحى مـال وجفـه عجـالاً حـازم بغتنامـي
يانجد لاترهب ترى الحرب ماطال ترى شراع الحرب ماسـاع قامـي
ابشر بخيلً قب وجمـوع وعيـال مازال ابوسلطان والـراس (......)
وصبـح يعزلهـم مبنـدق وخيـال والنشر الادنـى قنعـوه العسامـي
وركبوا عليها في ظهر كل مشـوال يردون حوض الموت والموت حامي
وتواجهة عجلات الاقفاء والاقبـال حمرً وصفراً مثل بلـى العظامـي
وعنده ليا يبسن الاريـاق محـوال بالمارتيـن منزحـات المـرامـي
يانجـد والله مانبيعـك بـالابـدال يامدهـل الشقحـى ردوم السنامـي
بكرة ليا علك مـن الوسـم همـال وصار الزهر غاشً ردون العدامي
اما تحدرنا من العـرض وشمـال ولا علينـا للطـلايـع مـلامـي
ضليت للدوشـان مربـا ومنـزال واليوم ذكرك مثل ذكـر الحلامـي
عابينه الراس المصعفـق لياعـال لاسيقة العطفـة نهـار الزحامـي
اما كلاب (.....) شينين الاعمـال ولا مطير اهل الجمـوع الزوامـي
حنا عتيبة ربع الاقفـاء والاقبـال نرمس ليا ناسـن علينـا العلامـي
غاراتنا بدنى حريبـاً علـى البـال ومن ضامنـا مايهتنـي بالمنامـي
يابوجهز يازبن مـن حـده الحال امشي مع المظهور مثـل النظامـي
حقي عليكـم حـرةً تهـذل اهـذال مكسوبةً مـن مـال قومـاً قيامـي
ابردبها غل الحفا عقـب الارجـال من مـال شيـخً زابنـه مايظامـي
وختم صـلاةً كـل ماقـال قايـل علـى نبيـاً للخـلايـق امـامـي







المصدر: مخطوطة النجم اللامع للنوادر جامع , تأليف محمد العلي العبيد , صفحة 135......

[عبدالله الجعيثن]

متعب الخيل



ونعم بعتيبه لطامة العايل...تاريخهم ماينكره رجال يعرف القبايل


انا قريت الابيات مابه ذكر لأي غزو من قبل عتيبه لشمر...



بس مطير وسبيع ولم يتطرق الشاعر بالابيات لشمر

[وافي الزنيدي]

حياك الله اخوي متعب الخيل

ونعم باخو هملا شيخ الشيابين

وجابك الله بلا ميعاد الظاهر انك شيباني لاني فيه بيتين من زمان ودي أعرف من قالهن و وش المناسبه اذا مافيه كلافه عليك يقول :-

يشهد بها يوم على جال دلقان
يوم اخو هملا جنب البل وحادي
وجهز طريح من مضاريب شبنان
وعاداتنا بالهوش جدع المعادي

تحياتي لك ,,,

[أبو رغد]

حياك يا متعب الخيل وكلامك موثق وعليه دلايل وقد قرأت مثله وأكثر منه في كتاب ((طمعة السافل بالمجد الآفل)) للكاتب النحرير أبا الدجاج سراق الحاج

وقد ذكر في كتابه أن جهز وقيل أبوه هذال وقيل من فرسانهم بالقرن العشرين غزوا حايل واستأسروا أميرها محمد المهاد وبنوا قبابهم أمام قصر برزان وصارت تتوافد عليهم أعيان الحاضرة وشيوخ البادية يقدمون لهم فروض الطاعة والولاء ويطلبونهم العقلان لأنهم أخذوا جميع الممتلكات حتى (........)

وقيل انهم غزوا مرة أخرى ولكن علم أمير حايل بغزوهم لدياره فطلب اخلاء البلاد وترحيل العباد الى بلاد الواق الواق لأنها البلد الوحيد الذي لم يصله جيش الشيابين المظفر ..

المصدر : كتاب ((طمعة السافل بالمجد الآفل)) للكاتب النحرير أبا الدجاج سراق الحاج ، وكذلك كتاب ((خيالات المقضمين في بطولات الشيابين)) للكاتب ذو الوجه المغسول عاقب الشتا بزربول

ألا أبيات هالعنزي ما مرن عليك قبل:

[poem=font=",5,orange,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

جمعتهم له من قرايا و بدوان = و جيتوا لمصرعكم جعلكم رجومي
ازهد نقايصكم عقاب بن شبنان = و ذبحوا هل العارض سواة البهومــي
من غير ما يوخذ من الطرش و الضان = في عقلها وخذة بـروكٍ سجومي
راحت شرايدكم شتات و شذان = و بعتوا عزيزكم على من يسومي
و من قبلها عروى جراير غزالان = لو هم دوا ما ايزا محمد لهـومي
و اخذهم على الصخه و خذهم بكبشان = وش عاد احسب له وكل معلومي
.
.
حكم من الشمبل ليا حد نجران=وجميع ما دون الفرات محكومي

[/poem]

لو هم دوا ماايزا محمد لهومي
لو هم دوا ماايزا محمد لهومي
لو هم دوا ماايزا محمد لهومي
لو هم دوا ماايزا محمد لهومي

حكم من الشمبل ليا حد نجران على رواية هالعنزي راع المجمعة
وابن حثلين شيخ يام يقول:
من باب عمان ليا باب نجران**مهو بنا يالضيغمي أنت أميره

ومؤلفين الدجة حجة من ليس له حجة خلوا عشيرة ولا واشنطن بعصر بوش ابن بوش


ليت والله من نقل موضوعك لذيابة الفلة خل يوسعون صدورهم عليه

[المفضلي11]

اشكرك بعنف يا ابو رغد لقد الجمته

[وثاب]

نعم والله بالطنايا ونعم والله بعتيبه

ابنبه الاخوان الاعزاء والمشرفين من بعض المعرفات الجديده واللي تحاول ان تسئ بين عتيبه وشمر


يمكن تاخذون فره على منتديات عتيبه وحرب بينهم شيل وحط

وانا اتوقع ان به ناس يصطادون بعلى ما قالوا بالماء العكر

وفق الله الجميع ونعم بالجميع

[متعب الخيل]

السلام عليكم ورحمه الله وبركاته
اول شي انا ماني شيباني
ابوغد واضح من كلامك التحيز لشمر ولبن رشيد
انا اللي جبته ماهو من خيال هذا كلام موثق

وبعدين ليش انت معصب يابعدي انت شمري وسيع صدر وسع صدرك
وبعدين مغازي بن رشيد على عتيبه ماهي لشمر بس معكم تميم وحرب وصليب وهتيم واهل القصيم واهل حايل
وانتم تنسبون انتصارات بن رشيد لشمر وتجحدون فعول غيركم
ومن يهضم حقوق رجل مافيه خير واكبر مثال معركه عروى في بدايه المعركه كان المنتصر عتيبه واللي رجح كفه بن رشيد هم اهل القصيم والدليل لولا نوخ ذريبين الايمان راحت عليكم يابوماجد كسيره .... اولاد علي مطوعه كل عايل وغيرها من المعارك وعتيبه اذا تحارب بن رشيد تحارب مجموعه من القبايل وبن رشيد يجيه دعم من الدوله العثمانيه الاتراك وعتيبه من الكسب والغنايم وعتــــــــيبه مدري من تصايل قحطان والا مطير والا حرب والا الداوسر والا البقوم كلهم ضد عتيبه وقبايل الشمال
للــــــــــــــــــه دركم ياعــــــــتيبه الهيلا

تقبلوا تحياتي

[المفضلي11]

لله دركم يا شمّر
يا السناعيس
يالطنايا
يالغلبا
ياوساع الصحون وساع الطعون
يا حكام
يا ابطال

[ولد البدو]

معكم صليب وهتيم

يالاخو تراه نقص عليكم وانت تبيبه زود !!

[أبو رغد]

[align=center]
وأنا أقول لله در عتيبه الهيلا وأنعم بهم وأكرم ولا قصور بالقبايل الثانية الي كلٍ مضى له فعل والطيب قسم بالوجيه المفاليح مثل ما قال (نسيت اسمه) الي يقول: الطيب ماهو بس للضاعنينا**الطيب قسم بالوجيه المفاليح

بس المبالغات ما تصلح ولعتيبة معارك وأفعال تغنية عن قولة غزا فلانان وخذا 80 رعية لشمر ورجع غزا وخذا جيش محمد المهاد (أقوى حكام الرشيد وأوسعهم ملك)

ياخي رعية ولا رعيتين ياخذهن عقيد ويزبن أقصى الشمال ما يسلم عليهن يلحقونه أخوات نوره وياخذون حلاله وحلال حتى الي يزبنه عنهم أو ما يشارك بمطاردته معهم ، وفرس ولا مفرود مطلوب لحدا رعايا الأمير من القبائل الأخرى يعصي به له مقرود تبرى منه قبيلته ولا يلقى الي يرحب به لين يرجع ذليل يستسمح الأمير أو يذبح وهو من حاما معه من ربعه!!

وهذا أنت تقول بيرق ابن رشيد يتبعه أخلاط من قبائل ويتبعونه حضر القصيم وغيره غير شوكة الحرب فرسان قبيلته وحاضرته ، وبنفس الوقت تسمح لك نفسك أن تورد هالخرابيط حول هالي ياخذ جيش المهاد و80 رعيه من شمر بارده مبرده راعي عشيرة مدري واشنطن!

تحياتي
[/align]