يا صاحبي والوقت داير والزمن فينا يـدور
لاتتعب النفس الشقيه والهـوى قـد حدهـا
ياما وياما صغت لك حرفي وبكيت السطـور
إلين روحي يا هوى روحي تبايـح سدهـا
اسألك باللي حط قدرك في خفوقي لاتجـور
أبواب حزني ياالغـلا منّـك تعبـت آسدهـا
إن كان مالي بالغلا موطن تكلّـم لاتشـور
وأبشر بعزّك لو جبال الحـب جيـت تهدهـا
لو شفت صدري كيف من فعلك براكينه تثور
والله لتلعن ساعـة الفرقـا وتلعـن جدّهـا
ولو شفت قلبي كيف من غله بدى دمه يفور
تحسب جروحك وسط صدري والطعون تعدها
ياليت مالك بالغلا منـزل ولا أيـة حضـور
ماكان هلّيت المدامـع يـوم مانـي قدهـا !
الله يبيحك ! كان لك بالقلب كرتٍ للعبـور !
والله يسمّح درب روحك يوم عنـي تلدهـا
رد مع اقتباس
المفضلات