السلام عليكم كلكم ..
أول يوم من أمتحانات الكليه يوم السبت .. الحضور بالقاعه وهيبة الأختبار له وقعه ..
تحتاج أحد جو هادي .. عشان مايطيرن المعلومات .. ألي مجمعهن عصب ..
يدخل عليك دكتور مايل وجهه .. تقل ملعقه تلييص .. مبزوخ بمقلاة مع رأسه
ويقعد يهدد ويتوعد .. أنت ماهمك بس ماودك يطير شيء من ألي أنت حافظه ..
اليوم جاء واحد من العيال .. ما أمون عليه ..
قال فلان وش رايك بالسكسوكه ؟؟
أستغربت أنا م أميانته !! قلت كلك ملح .. مار أراعي له زين .. ولا وش أشوف ؟؟
قلت : فلان وش نوحك على شنبك جالداً أشنقه ؟؟
قال ألا والله الحوبه .. وهو يولي ..
يوم طلعنا من القاعه .. وهو يمر علي أحد الشباب ..
قال ماعينة فلان ؟؟ صايلن عليه ضرسه ومتلطم بهالحر ..
ودي أسأله عن أمتحانه وعن ضرسه ؟
أنا صديت وقبعت من الضحك ..
مار أقابل ابوشنب .. قلت هاه وش وقع ضرسك ؟؟
قال الله يلعن جدف هالعالم .. كلن به شفايه يبي يشوف شنبي ..
وأنا أتعلث لهم أقول ضرسي لاج علي ..
رحت أبي موتري .. وأنا أسمع لجه .. يوم قربت ..
أثاري واحدن من العيال مرجعن على موتر ومدخلن بيبانه .. ولهم نحيط عند مواترهم ..
رحت يم الأسطبل .. ولا هذا سايس جاري .. يمشي ونصفه أغبره ..
قلت شيمون إيش فيه ؟؟
قال هذا فرس مزنون (يترجمه راجو ) يسوي كذا يسوي كذا بعدين أنا طيح ..
قلت أما اليوم أنا بي بلىء و لا الناس به بلىء .. وش السالفه ؟؟
كل العالم مشاكل ؟؟
رد مع اقتباس
المشاركة الأصلية كتبت بواسطة راجو
المفضلات