** سلة بوحي ** عبدالله الجعيثن

**عبدالله الجعيثن** · 05-11-2011 00:03

عطني يمينك خل نرحل عن الناس // دام الفضا مفتوح والليل توّه

شاعرك يشرب كاس ويصب لك كاس // دام الشعر ماشي على كيف جوّه

**عبدالله الجعيثن** · 05-11-2011 23:37

سولف فديتك طاب ليلي بلقياك// وش فايده صمت المشاعر بدونك

تنطق عيوني ياهوى البال حياك // لو ينطقون حروف..قالوا يبونك

**عبدالله الجعيثن** · 05-11-2011 23:55

عيدك سعيد وعيد مثلي مداوم

اصلا " وعد " مو فيه..وش يعني العيد

**عبدالله الجعيثن** · 06-11-2011 12:25

تزعل..واراضي ..واشري رضاك ..لرضاك // وش حيلتي والقلب ماشاف غيرك

انت الغلا .. وابيات شعري بليّاك // ماطيقها .. من دون نفحة عبيرك

**عبدالله الجعيثن** · 06-11-2011 23:23

بقصد واغني والحق الصوت بالصوت // واكتب جديدي واسمعي ياغناتي
اسابق الهاجوس واكتب لي بيوت // والد عيني في جميع الجهاتي
حايل وعندي كنها الف بيروت // شوفت جباله هي غلاي وحياتي

**عبدالله الجعيثن** · 08-11-2011 00:22

يضيق وجه السلام ويعلن غيابه // وتزود فوضى الشعوب وتخسر الامه

عزاه يا أمتن صارت كما الغابه // اسلامها متهم .. والكاسب العمّه

**عبدالله الجعيثن** · 11-11-2011 13:05

ياصار لك حاجتن ماتقدر تقوله // انقش حروفه على ضلوعك ودوّنها
لا صرت تقدر تطوله ..بس ما تنوله// اطلب عسى والي النعمه يهوّنها

**عبدالله الجعيثن** · 17-11-2011 01:09

ليا صار مالك مع هل الطيب مجلاس // محدن بفاقد غيبتك يوم قفيت

**عبدالله الجعيثن** · 17-11-2011 09:10

عمر الكرب ماينبت اوراق يشموم
...الا ان قلبك يفتح الباب صدفه !!!

,,,

خذني فرح/عطني من ايامك هموم
...ليلك شتا / بآعللك .. لين تدفه!!!

ثوب السوالف همس..ومقصّر كموم
...جيبه وسيع/ ومنزويّ حول ردفه!!!

,,,,

وان طعتني لاصرت ماتعرف العوم
...وش لك بشاعر يكتب بيّد شدفه!!!

**عبدالله الجعيثن** · 21-11-2011 08:38

تعال دام القلوب صحاح :: شاعرك زانت طواريقه

البال في حضرتك ينساح :: ويودّع الهم والضيقه

العين لاشافتك ترتاح ::والقلب تضحك معاليقه

ابيك واشتاق لك ياصاح :: تعال يا آغلا عشاشيقه