رثعه والحصني
رواية من روايات الأدب الحديث
الكاتب شرهه
البدايه
كان هناك بنتن اسمها رثعه
ماتطيع أمه ..
و تحب المرح كثيرآ
الى أن جاء ذلك اليوم
و هي تمسكه أمه مع قرونه
قالت يا وليدي دوتس هالبقيلات وديهن عمتتس
التي تسكن خلف الشعيب
قالت حاضر يا اماااه
و آخذت السله عفوآ أقصد البقشه التي كان موجود فيها البقل
و لبست قبعته قصدي غدفته
و يوم جت تبي تمشي
و هي تصرخ أمه قائله
يا رثعه
انتبهي لنفسك و احذري مكر الثعلب
قالت رثعه
ابشري يا امي لاتخافين علي
و راحت رثعه و هي تركض برقه
و البقشه التي كانت بيدها تترنح يمتن و يسره
و يا والله
و هي تطفش من طول الطريق و هي تخرب معه
و هي تحيزم
و هي تحط البقشة فوق راسه و هي تنطلدز
و هي تغدي مثل هكا النعامه
و تركض
و تركض
و تركض
و تركض
يمار والله كان فيه
حصني يسكن بله روضن حول الشعيب ..
و هي تقرب لهكا الروض
اللي يسكن بوه الحصني
و هو يقزه الحصني من خلف شجرة الارطاة التي كان جحرهو حدرها
و النعامه ما دريت بوه ولا إنتبهت
يوم فطنت يمار هكا العجيز اللي وجهه تقل وجه حصني
ناطحته
وانخرعت البنيه
يمار هذا الحصني متنكر
يوم قربت له
قالت البنيه من انتي يا خاله
قال الحصني انا عمتتس ياوليدي
قالت وش فيه صاير وجهتس كذا
قال الحصني الهم و الكبر والامراض لعبن بي لعب
قالت ايه أنا امي مرسلتني عشان اعطيتس
البقشه هذي
وقال الحصني انا كنت ناويه اسير عليكم
قالت رثعه
اجل امشي اوصلتس يا عمه يم بيتنا أمي بتفرح كثير
قال الحصني لا ياحبيبتي خلاص ماله داعي و هاتي البقشه
و هو ياخذه
يوم خذاه و هو يكشف زي التنكر
قال تعالي معي يالتنكه اباكلتس انتي وبقلتس
و هي تصرخ وتصرخ وتصرخ
و هي تروح يمين و يسار ماتدري وش تعمل وتجشم هالدنيا وهن يتشلخن رجليه وحالته حاله
قالت تكفى ياعمي الحصني اتركني والله لأجمع لك كل الرباحل والطيطان اللي بها الروض ..
قال نيهاها
والله ما تغدين به
معروشن عضامتس الليله يعني معروشه
و هي تذكر يوم ان امه تقول
انتبهي من الحصني يارثعه تريه مكار
و هي تقعد له جعير وبتسا
و مشاهق0و مناهق
وتقول استاهل اللي جاني
ليه ماطعت هرج أمي
يوم قرب له الحصني و هو فاتحن افمه
يمار هذي عمته
و هي تصهده بجذع ارطاي مع راسوه
يمار ماتشوف الا غبرته
و هو يقول او او او او او >بزعمه يعوي
و هي تجي العمه تمسك بنت اخوه قالت سمعت جعيرتس على بعد خمس مية متر وانا اجي فزاعه
و خذت العمه بقشة البقل
و هي تمسح دموع رثعه وخشمه بطرف شليله ..
و قالت له روحي بسرعه
و جلست تراقبه يما ابعدت و هي ترجع رثعه لبيته سالمه غانمه
و هي ترجع العمه بالبقشه بعد لبيته سالمه غانمه
ما يستفاد من القصه
يا احبابي اذا بغيتوا تسطون على شين لاتصيرون طماعين عشان يحصل لكم شين ^_^
و طيعوا امهاتكم وابوانكم .. وانتبهوا من الحصاني
على فكره عندي
بشــــــــرى
_ يمكن هذا آخر موضوع لي >>>ادري دبلت تسبودكم كل يومن وانا سادحتن لي موضوعن امقس من اللي قبله ..
_ أنا كنت بس انزل مواضيع لغرضن ما في نفسي وحصلته
_بس لا تفرحون كثير اذا طرا على بالي انني انزل وانا ابنزل ^_^
مع التحيه
رد مع اقتباس
المفضلات