/ خبز هندي من متبخي :)/
خبز هندي الصراحه قمه في اللذه
بعض الناس يحبون انواع الخبز ، منهم رجلي اللي ابلشن
عاد ام الحرفنه يالربع ، المره هذي ابوريكم خبز هندي بحشوة البطاطس
المقادير طبعا مجربه من النت والحمد لله مضبوطه
ثلث إلى نصف كوب ماء
نصف م ص ملح
2-3 م ص زيت
1 كوب طحين القمح الكامل تجدينه في الأسواق مكتوب عليه ATTA وأظنه الطحين الأسمر
اما الحشوة :
2 بطاطس بحجم متوسط مسلوقة ومهروسة جيداً
نصف م ص ملح
نصف م ص كمون حب
ربع م ص كركم (عقدة صفراء)
ربع م ص الفلفل الأحمر المجفف والمطحون خشن
5 سيقان كزبرة خضراء مفرومة
طبعا بوه شغلات ناس ماتحبه ، مثل الكمون يكون حب ! او مايفضلون الكزبره !
يعني يرجع للذوق العام
بعد ماتعجنين العجينه مضبوط كذا
، تقسمينه 8 اقسام او براحتس ، ثم خليه نص ساعه تقريبا ترتاح
وابدي بعمل الحشوة وخليه تبرد تماما....
الحين ناخذ كوره كوره ونشوت
لا تصدقون عاد
ناخذ كوره من العجين ونفرد بالطحين وتحطين شوين من الحشوة لازم الحشوة تبرد تماما
ولا خربت الشغله
تقفلين من جميع الجهات
اكربي العجين بحيث ماتكون مفتوحه
ثم افرديها شي بسيط باللي مدري شتسمونهاللي ترق العجين وكوني حريصه
عشان ماتتفتح العجينه
طبعا الصاج يكون جاهز على النار ، وابدي بوضع خبزه خبزه ، ويحمر من الجهتين
ويقدم ساخنا
بالعافيه علي وعليكم
كل الود
رد مع اقتباس
المفضلات