المال مالي .. والجيوب جيوبي
والناس وش تبغى تعد ذنوبي ؟!
طبعي كذا و أنا أعشقه وآحبّه
لو ما نفع بالحاقدين اسلوبي !!
قصيدتي هذي على قاريها :
يمشي معاي برحلتي ودروبي
ياشعري اطحن حبتين براسي
لو تكبر بوسط الدماغ حبوبي
انت الرحى للهم لا من صلّب
وانت القراح اليا جفى مشروبي
ادخل على الله عن كلام الهافي
اللي ليا من غبت شقّق ثوبي
ياكيف مثله ما يخاف من الله !!
(غيبه) .. لو انه صادق بعذروبي
لكن بلاي انه نسج له كذبـه
وأنا تراي أدرى بكـل (عيوبي)
ياناس قولوا ( لا اله الا الله )
شمسي تجي من مشرقي وغروبي
يا (غاديه) هدّي .. وخوذي هرجي :
القاف صدري و المعان جنوبي
لو تنشدين الشعر : منهو خلّكـ ؟!
أشّر عليّ .. وقال : ذا محبوبي .
ولو الشعر رجال يبغى فزعه ؟
في محضر الشعار وجّه صوبي
كم طاح مره بين هيس وهافي
وكم ذاق غبنه فانقطاع اهبوبي
وكم ذاق مرّ وقال نادوا خلّي !!
وشنييييت من دونه جميع حروبي
يا ( غاديه ) هذا سنام الشاااامخ
عن مسته ( طقّي يديك و توبي )
وينك و وين اللي عشقها قلبي !!
ايه آعشقها يا هلي وادروا بي ..
بنت الرجال مزبنين العاااااني
بنت ٍ تشيل من الذنوب ذنوبي
أحبها حب العشيق الناحل
وتحبني وتقوووول ذا مطلوبي
لو لي ثمان قلوب والا عشره؟!
فديتها بعشر وثمان قلوووبي
أقرص لها عيني وأعض الشفّه
وتذوب..ياكبدي عليها ذوبي
جعل العذارى كلّها فدوتهـا ....
الا .. وفدوتها جميع اعزوووبي
مليت أقول تغيب شمس الضيقه
ومليت أجمّل وانتظر ماجوووبي ..!
يالله فرّجها تراااااااني عبـدكـ ,,
يا رب نوّر لي جميع دروووووووبي
عبدالمجيد الشمري
رد مع اقتباس
المشاركة الأصلية كتبت بواسطة ((عبدالله بن غيث))
المفضلات