غزل .. عبدالمجيد الشمري
.
.
.
أسعد الله اوقاتكم بالخير والمسرات ..
مباركٌ على الجميع عودة مضائفنا الغاليه ,,
من هذا الصرح العظيـم ..
أود أن أعتذر للجميــع عن انقطـاعي المفاجئ لظروف خاصـه ,,
هذه القصيده اهداء الى اخي العزيز عبدالله بن غيث
واهداء الى كل من يبحث عن عبدالمجيد الشمري ..
اتمنى ان ترتقي لذائقـة الجميـع :
لا هنت يا خلي ولا طال فرقاك
,,,,,, ياللي عليّ تخاف وآخاف خوفـك
شفني .. تذكرتك و قبّلت ذكراك
,,,,,, غرّ السحايب .. ذكرتني طيوفـك
ليتك تشوف الحال لاحل طرياك!!
,,,,,, وتشوف وش سوّت طواري سيوفك
أناظر لهذاك مع ذاك .. مع ذاك ..
,,,,,, و أنا .. عيوني يا غناتي تشوفـك
شفت العذارى ؟ وين ماهي بويّاك !!
,,,,,,,, عز الله انك .. فارق ٍ في وصوفـك
بَرَيت حال ٍ يالغضي حيل يبغاك
,,,,,,,, لا يا قمر .. طوّل علينا خسوفـك
ما تدري ان الحال جرداء بليّـاك ؟!
,,,,,,,, وما تدري ان أرضي تحرّى قنوفـك؟!
قرّب .. عسى روس العواذيل تفداك
,,,,,,,, جرّب .. وذوّقـني حلايا قطوفـك
شف حالتي بعدكـ .. وتدري بطغياك
,,,,,,,, شف حالتي عندكـ .. وخذني بجوفـك
أفرحتني بقـدومك اليوم .. لبـّاك
,,,,,,,, كلّي فرح من شفت زاهي طيوفـك
.
.
حتى (دموعي) من سعدها بلقياك ؟؟
,,,,,,,, طاحت على الخدين .. (تبغي تشوفـك)!!
تقبلوا خالص ودّي واحترامي ..
بقلم محبكـم//
عبدالمجيد محمد الشـمـري
رد مع اقتباس
المشاركة الأصلية كتبت بواسطة بتول آل علي
المفضلات