غزى ابن معبهل ومعه خمسين خيال مع زمالاتهن ويوم جاء الحزول واسقى منهن ياوالله مامن احد وهم يفوتون الياما اقبلوا على الحيانية وجوا النفود اللي دونه ياوالله هذا البيت لحاله ما معه احد وهذيك البل قبلة ٍ من البيت ما معه الا الراعي لكن البيت عنده فرس قال العقيد ( ابن معبهل من الشعلان ) انتم يا هالثنين روحوا من وراء هالبيت وشوفوا يمكن ان وراء هالبيت عرب نبي نشوف هو بس لحاله ولا معه عرب وهم يركوبن اهل فرسين الياما تعدوه وراعوا بالدربيل ياوالله مامعه الوالي واباعره كثيره تخززهم وهم ينكسون قالوا والله يابن معبهل ما ركبهن احظ منك والله ماعنده الوالي قال ابن معبهل هذا اما انه خبل ما يفهم او انه فارس شارهن انه يفك نياقه هاللي نازل ٍ لحاله لكن يالله خلونا نغير عليه وهم يصلونهن على البل وهم ياخذونه دغيمان يوم شاف الغارة وهو يمس على الفرس وهو ينسف البل بالذراع الايمن وهو يتعداه ياما حمية الفرس للركض والطراد واستذارة عقب المربط ابن معبهل يوم شاف عمله قال العون ابوكم اعزلوا له صابور هذا فارس ما يعمل هالعمل الا الفارس وهم يعزلون اهل عشر وهم يتولمون له والباقين خذوا البل واقفوا به ودغيمان يصله عى الصابور ويوم اقبل عليهم ياولله معهم لهم واحد له مرتن له طامحن به قال طلبتكم هالخيال غدينن اجدعه وتسمع بفعلي فلانه وتنكس علي قالوا تره لك يوم اقبل عليهم وهو يطرد له الرويلي ودغيمان يرصه عليه ياوالله فرس دغيمان تاخذ من الطير علفه بساع ياهي لاحقته ما امداه يعمل شين انت يالرويلي قال دغيمان خيال البلها دغيمان ابثواريات *** الهقص وهو يضربه بالشلفا ياواسروه للارض يامابه روح ريح المرة منه وهو يرده على الصابور وهو لك يرثع بهم وثنين منهم اللي هو يجدع صوبا والباقين هجوا اللي عند البل يوم شافوا فعله بالصابور تركوا البل وهربوا والصابور لحقهم وهو ينكس على الصوابا قال من انتم معه قالوا مع ابن معبهل وهو يركبهم على الرحول قال انهجوا يم اخوياكم وعلموا ابن معبهل ينكسه وان ما نكسه والله العظيم الا يجري عليه مثل ما جرى عليكم . ويوم جوا ابن معبهل علموه وهو يقضب ذنبه وهو يضربه ها كالعصا وهي تنكس يم الايفه . يقولون معهم لهم فارسن طيب قالوا فلان اجدع الخيال قال هذا طيرن على له طير . ويوم جوا الروله وسولفوا السالفه وانه تثارى عليهم بال*** . يقولون ان النوري قال والله ماهمن الغلب الرجال كل يوم يغلبون لكن كيف يتثارى علينا بال*** . دغيمان تثارى عليهم ب*** الهقص اللي ذبحوه الرولة مثل العام بخب سحّاء . اكانوا على الهقص منصوب ابن رشيد وعنده له *** صابه . هو لبد بالقصر وقعد يرميهم وال*** يفوع عليهم وقعدوا يضربونه بهالرماح ليا ما مات . يقصدبه الهقص قصيدة ٍ طويله ما عرفه مادري وشو يقول ( مع خب سحاء ... خيلن تنحاء ... لا واعزتي لك *** ) وعلى هاللون .
طبعا ً هذا ماهو ردى بالرولة لكن سعودن تراكب ويم لك ويوم عليك . وكل قبيلة فازت وانهزمت .
رد مع اقتباس
المفضلات