مختارات من قصايد الشعراء في القهوه

**بشير اللويش** · 20-07-2002 00:40

اخي الغالي

المطلاع

لاهنت على المشاركه

لقد ابدعت

وتسلم على نقلها لنا

وشكر خاص للبندري على مداخلتها

تقبلوا تحيات اخوكم الصغير

الراسي

**طلال صعفق الحافظ** · 20-07-2002 10:57

الف شكر لك اخوي المطلاع
وشكر خاص للبندري

اقول انتم يالاثنين

حقيقه انا خايف منكم

شكل ابو سلطان يبي يكرشن برا وحطكم بدالي مشرفين...

استمروا على ذلك

وشكراا لكم

**المطلاع** · 20-07-2002 11:42

ولاانت يا بشير ويعطيك العافيه على مرورك الكريم

**المطلاع** · 20-07-2002 11:47

يا هلا اخوي طلال والشكر موصول اليك
وعلى سالفة المشرفين اقول العين ما تعلى الحاجب وانت رأس المال اخوي طلال

تقبل تحياتي

**أختكم** · 27-07-2002 09:07

عشقي الأبدي قهوة تفوح برائحة الهيل

رائع ماكتبته عن القهوة
ومهما تكلمنا عنها فلن نستطيع الوفاء بحقها

وهذه مني بعض الأبيات
قال الشاعر:

تلقى الحليب مبرد في سحالة
................................ .عقب النشامى يصبح الصبح باقيه
وبالزعفران مبهرات دلاله
.................................. يجغط لها بالهيل والبن يرهــــــيه

وأيضا:
ملفاك بيت عبيد بالك تعداه
.....................................ومنارة جزل الحطب وقدت به
منارة تجمع مسابير وبداة
.......................................ودلال مما لاق لك بهرت به

تقبل مني التحية........ أختك

**المطلاع** · 31-07-2002 11:49

حياك الله يااختك
ويعطيك العافيه على مشاركتك الرائعه

**حميدان** · 01-08-2002 12:26

شكر لشمر العريبه على المنتدي الجميل
واحببت ان اشكر اخي المطلاع على الموضوع الجميل وان اضيف لكم بعضا مما لدي

قم سوفـنجال ترى الراس مـطروق ** تكاد تبرى طرقته ريحة الكــاس

زين حماسه واجعله غير مــحروق** فالبن إلى من حرق مايقعد الراس

مايقعه الأكـــــــــــما د م غرنــوق ** زين بهــــاره للفنا جــــــيل لاباس

فإلى طبخته جارك الله من العـوق ** غسل فناجيلك تعــــــــداك الاتعاس

بد المتيم وطرف القوم بلـــحوق ** فالقـــرم لابده يقـــدم عــــلى الناس

أعمل فراعي الجود ياصاح مرزوق** والبخل ماراعيه يخظى بــنوماس

ماشوف أنا عمري من البخل مخلوق** ولاكريم مات جوع على الساس

ماستوي قلب يعـــــــرى بلا شوق ** لابد له طربات مع بعض الاجناس

احد هواه الخيل واحد مع االنوق **واحد هواه االنخـــل زينات الأغراس

ونا هوايا في الرعابيب معــلوق ** وثـــلاث دلات ارباب ومحـــــــماس

ياخوي انا شوقي من السوق ماسوق ** شميت ريحه شبه لى هب نسناس

ادخل خوي راعيه ان كان ذلوق ** أوباب صبري ان تســـمى بالاجراس

نفك علق الباب إن كان مغلق ** وإن قال من ذاقــــــــلت انا جيت لاباس

وشريت فنجاله وكفيته العوق ** سويت مايجــــــــــــمد على كفه الكاس

والفضل للسابق على كل مسبوق ** ومن قدم الحسنا وقاره على الراس

وخلاف ذا ياراكب فوق ممروق ** هميلع يقطع وثيقات الامـــــــــــــراس

إلى جيت ملهوف فجنب مع السوق ** واجعل سهيل له على هامة الراس

تلفى بيت للخطـا طير مـــــــدلوق ** راعـــيه حـــــــــكام إلى قال لاباس

تلقى شجاع بين عاشقومعشوق ** اسمه سليمان حمــاي ذات الالعاس

فأقره سلامي عد مــالاحت بروق ** وعد مالعلع من الريح نسنـــــــــاس

قله ترى بعض المعا سيل مبيوق ** احدى الثلاثه اللي على الكور جلاس

ونبغى خلفها منك قل حاصل فوق ** لاخبر في غصن إذا هز ما ما س

ياخوان اعتذر عن الاخطاء الاملائيه والغويه فالمعذره

الشاعر
محـــــــــــــــمد بن مســــــــــــــــــلم

اخيكم حميدان من ادارة منتدي مطير

**فواز الغسلان** · 26-04-2007 13:30

وقال عبيد راعي بقعاء:

يابو كريدي كان تبي النفيله=شبه وكب اشوار دقم الدناقير

البن عشقة كل نادر قبيله=وترى عمود المرجله نية الخير

ياعنك فنجال الضحى ينعني له=بدلال خطو الغشمري حومة الطير

وقال ابن ثويني:

ياعلي شب النار ياعلي شبه=لاساح ظل مشمرخات الهضابي

وادغث لهم ياعلي من كيس حبه=وقرب له اللي مثل لون الغرابي

حنكيتن ماتنجلي لو نربه=تلقى لغوده من سنى النار صابي

وقال لبيد المتينه البلاز العنزي:

يادعيس شب النار يادعيس شبه=بين القطوب وطارف البيت نابي

وقلط ثلاثن معتنينن بربه=مبرقعاتن عن دبيبن ودابي

يحوفهن رجلن بعيد المسبه=بعيد عن طرق الخطى والسبابي

وقال فهد الحمد الغسلان:

ياديب هات الحبر وادن الدواتي=ابي بيوتن بالحشى ياشفاتي

كلامن احلى من حليب الفتاتي=واحلى من المي القراح الشخاليل

اول بداتي هات ياديب قم هات=شب الضوا للي يبون المروات

والياامتلا المجلس بهرجن وضحكات=احمس وحضب لي جميع المعاميل

واحمس لنا من حب صنعاء نقيه=واشفق عليها قبل خطو الدهيه

ياشوق من قرنه يعقل المطيه=ولا تحرقه ياقرم الاولاد بالحيل

ولا اصفر لونه يافتى الجود كبه=قبل يتواكل من سنى الجمر حبه

واياك والمي الردي لايطبه=دور له المي المشبه على السيل

ودقه بنجرن يسمعونه هل الكيف=لاطق بالهاون غدى له رفاريف

عويل ذيبن طالع الغوش بالصيف=حاف الغنم واقفى يقبه هلاهيل

وليا قضت صبه على الحاضرينا=وقص الجماعه يافتى من يمينا

هذاك ماجوب النشاما علينا=وصيور ماتمضي كما الحلم بالليل

ويقول زيد الخوير:

يقول من يبدع على كل قافي=من ضامره ياتن ريامن مواليف

احمس ولقم بالعجل يالسنافي=بشاميتن طرف له الجمر تطريف

واصبر لياما توجس النذل غافي=وقلط دلالن تقل بطن مهاديف

ويقول ابن عبيكه:

لاضاق صدري جبت ضبت جذامير=وشبيت نارن مثل نار الحرابه

ثم انثنيت وجبت عكف المناقير=يصلن على جمرن عقاب التهابه

ان وافقت نحط كبشن على المير=وان عاضبت يسد قولن هلا به

ويقول ابن جلعود راعي سميراء:

لاضاق صدري جبت للنار جذمور=وشبيت للي مثلكم حاضرينا

واحرص على مايقال لايقال مدمور=الا ولاش بحمسته محرقينا

وصيتن خذها ليا نفخت الصور=الشح مايودع ضعيفن سمينا

صبعي خدرت ياراع الوقيد وانا ماشبعت من الموضوع اعطن صبعك عساه للمطرقه0000