اشقاني الله مع الشاقين = اللي بعيدن علي داره
لي عام ماشفت انا الغالين = ولا جا مراسيل بخباره
ارجيه من لي ثلاث اسنين = شفقن على قطفة ازهاره
بالصبع لو ماطرفت العين = رجلي على الترف مراره
يانهير تعززو لثنين = قلبن عشق مثل حشاره
وضحا صخيفن مع القرنين = تزهي ولو مابه افقاره
لو سومها وصل العشرين = مليون مايثمن اوباره
اللي عرضة افية الخمسين = والفردي غطة على ادواره
مع الدبش بيرق القاسين = طليفيح يادق مزماره
في كون بقعا نهارن شين = الموت وعبيد سباره
الي ذبح بهدته تسعين = عساه ينجي من اوزاره
راضي ومرضي مع الراضين =ابجنتن والنبي جاره
والقلب الاخر كحيل العين = عظت على الصبع محتاره
جداه تصفيقت الكفين = ومراقبت مرقب القاره
راس الطويله يجيب البين = ويهيض العين بعباره
من يرحم العاشق المسكين = ماله عن العشق كفاره
سمي خلي سداد الدين = ياعاضبة وشانت ادواره
غضن نهدها نبات التين = وراس النهد تقل جماره
غضن غضيض يميل ابلين = مهي لعوبن ومكاره
والقرن الاشقر يجي مترين = حلون مثايله ماصاره
ابيه ورجي كثير الزين =والناس بالناس وش كاره
[/align][/cell][/table1][/align]
رد مع اقتباس
المفضلات