بسم الله نبدأ
مطبق الفقع أو كبسة الفقع اللي تبغونه سموه
ننقع الفقع بماي بارده لمدة لا تقل عن خمس ساعات على شان بسرعه يتنظف ويتقشر بسهوله
طبعاً كل وحده والكمية اللي تبغاها انا مسويه كميه أنا وزوجي ووزع عالجيران
المقادير:
3 كيلو فقع
يد خروف مقطعه 4 قطع
4 كاسات رز بالكويتي عيش
7 بصل كبار مفروم مو ناعم مره
زيت للحمس
ماء مغلي
كركم وكاري وملح وفلفل اسود ولومي مطحون ودارسين عدل وقرنفل عدل
ملعقة سمن
الطريقة:
نحمس اللحم مع ثلاث ارباع كمية البصل بالزيت ورشة كركم وكاري ونحمس على نار هادية وكلما زاد الحمس صارت النكهه أحلى بس لا يحترق قاع القدر بعد نص إلى ساعه الا ربع من الحمس نصب الماي المغلي والفقع والدارسين والقرنفل
الملح بعد ساعه ونص نرشه على شان اللحم يصير ذايب
وبعد ما يستوي اللحم نصفيه ونشيل اللحم على جنب والفقع لحال والمرق لحال ناخذ باقي البصل ونحمسه بمقلاة تيفال وبس يتغير لونه شوي نحط عليه الفقع المسلوق ونحمسه ونرش عليه الفلفل الاسود واللومي المطحون
بعد ما نقعنا الرز بماي حاره شوي وملح لمدة نص ساعه نصفيه
ونحط شوي زيت بقدر لمن يحمى نصب عليه مرق اللحم وطبعا هالحركه هي سر طول حبة الرز بس بعدوا عن القدر لا يطير عليكم زيت وعلى نار عاليه الى ان تنشف المويه ونحط اللحم على جنب
والفقع عليه ونغطي القدر على نار هاديه مرره لمدة لا تقل عن نص ساعه الى ساعه على شان يتشرب الرز ريحة الفقع بالفلفل الاسود واللومي
ولا تنسون الاساس رشة سمن من فوق بس للريحه لا تكثرون ملعقة وحده
بالاضافة إلى
دقوس ومعبوج نوعين اجار المنجا
سلطة
تمر
ولبن بالنعناع
وتمنيتكم معانا امس تشاركوني انا وزوجي الغداء ..
بس ولايهمكم كل ما طبخنا فقع بصوره لكم وبخليكم بس تشوفون غدانا ههههههههه
رد مع اقتباس
المشاركة الأصلية كتبت بواسطة *لوليتا*
المفضلات