بسم الله الرحمن الرحيم
.
.
.
يا ذيب يكفي .. لا تجر العويّا
,,,,,,,, هيضتني يا ذيب و أبديت ونّه
ياذيب كنّ اللي سطى فيك فيّا
,,,,,,,, وا عزتي وشلون ابنساق عنّه
يا ونتي ونّة صبـور ٍ شقيـّا
,,,,,,,, أو ونّة اللي فاتناته عمنّه
وياعقلي اللي كنّ ماهو سويّا
,,,,,,,, سارح وكنّه ويش لا قيل كنّه
كنّه لحاله بأوسط الكون حيّا
,,,,,,,, ما يسمع ألسن أيّسن يندهنّه
ما شاف ذيّا ..لا.. ولاشاف ذيّا
,,,,,,,, مشغول فكره في عيون ٍ رمنّه
يا عين ظبي ٍ شاطر ٍ بالجفيّا
,,,,,,,, أصفر معصفر والقلايد حونّه
أبيض بياض البيض نضّاح ضيّا
,,,,,,,, ما هو معيض ٍ بالرضى بيّضنّه
مع نصّه مضمّر .. و يتلاه ريّا
,,,,,,,, (دلة عرب) ما فوّحوها ببنّه
ما كنت أصدق ليل طاويه طيّا
,,,,,,,, ليما طواااه وقام يبدي بسنّه
أبدى لي الدر الكنين الصفيّا
,,,,,,,, مصفوف صفّه كل قلب ٍ خذنّه
والجمره اللي ساكنه وسط ميّا
,,,,,,,, يا حسرتي يا كيف نقوى نقنّه
أركى على كبدي ثمانين كيّا
,,,,,,,, وان متّ في صغري فأنا متّ منّه
وا غبنة اللي ما اعتنز للقفيّا
,,,,,,,, طبعه وفي ٍ لو ظروووفه حدنّه
لا شار شور ٍ حظه الشين عيّا
,,,,,,,, يا حر جوفه كل ما خاب ظنّه
ياليت لو هو عند ذاك المحيّا
,,,,,,,, يدلي بدلوه والعيون اسحرنّه
يعطي من أبيات القصيد المهيّا
,,,,,,,, و يجود .. لين الزين يعجب بفنّه
الأمنيه تبدى ولا فيه شيّا ..!
,,,,,,,, و (ياليت) لو تصير ؟! دنياك جنّه
يا جرح ياللي من عناء البعد نيّا
,,,,,,,, كنّ الشقـى ياجرح ياجرح كنّه
و ياذيب يكفي لا تجر العويّا ..!!
,,,,,,,, هيّضتني يا ذيب و أبديت ونّه ..!!
وسلامة قلووووبكم ..
معذرة ً على التقصيـــر ,,
محبـكـم /
عبدالمجيـد بن محمد الشمـري ,,
رد مع اقتباس
المفضلات