بسم الله الرحمن الرحيم
في البداية اعتذر عن انقطاعي الفترة الماضية بسبب مشاكل في الجهاز هذا انكانكم فقدتوني خخخخخ
على العموم انا ابعطيكم سالفة اعتزالي للكورة :
في مرة من المريرات كنت انا يامحاتسكم منضم لفريق حواري رئيسهم ولدعملي اصغرمني ويستحيمني لاني دائما اول واحد يجي للتمرين اما اللعب لك عليه شوي هاه لاوالله لك علية كثير يعني 50 الف دينار كيلو متر مربع بيني وبين المستوى اللي يمشي الحال المهم اخوكم في الله قلب دفاع ينزل الشوط الثاني قبل المغرب بعشر دقائق وهذا آخر حلول ولد عمي وهالتوقيت بسبب كثرة تسجيلي الاهداف في فريقنا المهم يوم من الايام كانت عندنا مباراة قوية ويوم جت حزة نزلتي كانت النتيجة 6/1 للفريق المقابل طبيت الملعب وتوي وصلت خط الستة لفريقنا لاوالله الكورة مع واحد خال (خال = كلنا عبيد لله) وهو اللي يمزعة جهت بابنا والله يالربع ماأمداني ارمش الا الكورة لي بالصابر (الصابر= المنطقة تحت عضمة الزلف وفوق الحنك يعني الخدود ليه الفلسفة) مكان الحادثة مثل ماأسلفت خط السته الصحيان الاول لي كان عند الركنيالسؤال ليه كل هالمسافة هل كان من قوة الشوته او انا حطيت رجلي مانا واعي مادري المهم صحيت لاوالله اللي عندي الوجيه وجيه اخوياي بس انهم لابسين رسمي واحد ملازم اول وواحد عقيد والباقين افراد وانا اهذ عليهم من المصايب اللي انا مسويه في (جاكرتا ) ابد الوضع تحقيق ماهي سالفة وانا اغفي نوبه والصحيان الثاني ورا عقم الملعب ( العقم = الحفاد=منطقة مرتفعة من الاتربة تحيط بالملعب) بس اني ادري هالمرة وش اللي جابن هنا لاني اشوف مخاط رجيلواتي واسمع ولد عمي يكلم اخوي الكبير يقول : اقولك انت اللي ودة للمستشفى ووقع على التبرع بالاعضاء ولك الاجر وكل العوائل اللي يصير عند ولدهم وفاة دماغية يسوون كذا !!!!!! واللي موجع تسبدي الخدامة اسمعة من ورا صوت اخوي تلولش الملعونه لانه عجزت تلقط قزاز اللمبات واللوحات وراي وانا اتمرن بالكورة بالبيت المهم اني اسمع صح بس الشوف والله يالربع انه يلخبط الزقرت اشوفهم توكس وكتكات ومارس ونوب اشوفهم افياش كهرب وعلى هالحال وانا انصفر نوبه الصحيان الثالث بحوض سيارة حدا الزقرت ويرشوني بالماء والله اني قمت اشوفهم صعايدة يحرثون ويزرعون حتى الجاموسة شفته وشوين يوم الله امرلي اني عاد اصحصح يمار الى هالحين وهم يرشون وانا اقمز عليهم زعلان اقول: جلينن شجرة يومكم ترشونن
وين فنيلتي <شرهان الولد يبي يلعب قالو: ياولد ترنا بنص الليل مار قم صل المغرب والعشى ترك ماصليت مشيت من عندهم زعلان ومن بكرا وانا اطقم مع صلات العصر وللملعب يمار الملعب مرشوش ومخطط والله غريبه وانا اقرب يمار بوه لوحة صغيرة مكتوب علية حفل اعتزال الجثري
دريتبه انا وخليته على وجهه وهذاك علمي بالكورة مع اني والله توي بريعان شبابي
رد مع اقتباس
المفضلات