قهـر وربي حظ طين
صباح النور وخبز التنوووووور
قهر وربي قهر يانااااااس ابي انحمس من القهر
قرادهـ بعينه وعلمه الي يشوفن يقول متقهويتن مع الشبث
ومفطره مع يوسف من القرااااااااااااده اصوله
اليوم بعد جهدن جهيد صحتن امي وانا البس واروح عندي اختبار
ومن البارح اذاكر وحالتي لله
السالفه رحت للجامعه واصادف حنان عند البوابه
يمار شكله بايهه وش بلاتس تقل وغد مضيعن غنمـــوه قالت ماذاكرت
قلت وش بلاتس ما ذاكرتي قالت رحت ازور وحده من البنات مريضه وراح على الوقت
قلت الماده ماهي صعبه ما تستاهل كل هالجاجه مري عليه والله يسهل
المهم دخلنا القاعه وبدينا اختبار اوانا اعطيه نضره تعزز من ثقته بنفسه وحنا نبدي
الي الحين تماااااام
قبل يجي نص الوقت خلصت ورقتي وانا اقلب الورقه والاختبار كان حلو
واتمطق بعلكي ازعجة القاعه مستانسه اول وحده بطلع
قلت ابي التفت لحنان ابشوف وش سوت وانا التفت يمار من بحه من كثر ما تدعينن اخيييه يمار وجه الوان
قالت لعن الله هالخشه ما حليت وانبحيت وانا ادعيتس اف منتس <<عور ويتنقور فرقى عين
مالكم بالطويله جلست امليه الاجابات ماحولنا احد كل المرقبات ورى
وانا امليه الاجابات يمار يوم كفشتن وحده منا المرقبات الله لا يحله
وهي تسحب ورقتي وورقته قالت قدامي لرئيسة القسم
وانا مناك مناك يمار ماينفع به حتى واسطه استري علي مار مافيه فايده
وحنا نجي عند مديرة القسم قالت ليش تغشون ما تستحون انا يوم انا كبركن معي ولد وحامل<<وش نسوي بتس
قلت انا يوم شفته تبكي قلت اساعده عشان ما تزعج القاعه <<قعدت نص ساعه تضحك وانا افتشلت
قالت ما سمعتو حديث الرسول الي يقول من غشنا فليسا منا
اللهم صلى وسلم على محمد
قلت انا ونتي ما سمعتي الحديث يقولمن افرج عن مسلم كربه افرج الله عنه كربه من كرب يوم القيامه
وهي تنسدح ضحك<< ياحضه تضحك من سعه وعنده دفايه ودلة قهوه وانا اتراجف خرعه وبرد
قالت بما انتس قلتي هالحديث عقوبتس وحده من ثنتين
قلت عطينا
قالت نشهر بتس بالجامعه ونعلن عن غشتس
او نحرمتس وما نشهر بتس اختار؟!!
قلت احرمينن قالت خير انشالله توكلي على الله واول ما طلعت
يمار بلوحة الاعلانات<<اثريه تدور الي يقهرن
الطالبه........بنت.....بنت...الخ
ظبطت فى القاعه رقم خمسه فى محاولة تسريب معلومات من ورقة اجابته الى ورقة زميلته الطالبه ....بنت....الخ
والمايك يرقع بتشهير
وانا اغدي تقل صوابن مقصوعن شنقوه اخيييه
يوم قلت كذا وهي تجينن وحده الاداريه قالت ترا اعتمدنا اختبارتس قلت وش عقبوه عقب ما طلعتو حليب امي مع ضفوري
الله لا يوفقكم
هاذي فزعة المتعشي الى يذكر الشبث ليتي ما فزعت
عاد اخر اختبار عندي السبت الجاي ومستحيه لا اختر احسهم يبون يوقفون فوقي مراقبتين
اخيه بس
عاااااطر ودي للجميع
رد مع اقتباس
المشاركة الأصلية كتبت بواسطة السنعوووسيه
المفضلات