هذه مساجلة بيني وبين الاخ الشاعر فواز ندا المايق
قلت:
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/198.gif" border="none,4," type=1 line=1 align=center use=ex num="0,black""] ياليت لي مثلك جناحين ياطير = لاضاق صدري طرت عن كل مخلوق
انفض جناحيني مع الجو وآطير = وابعد بهمي عن لقا كل مطفوق
يابو ندا لو كنت أبا أخالف السير = دور لنا جنحان لاجيت للسوق
في سوق الأعضاء وهات معها المسامير = ضاقت علي الأرض وأبي السما فوق
وياونةن بين الضلوع المحادير = اشفت على قلبن من الهم مصفوق
داجت ولاجت لين ماعينت خير = وصار الخطر بالروح يالقرم محقوق
من صاحبن خوته تسوى الملايير = خوة عمر ، بالطيب ماصار مسبوق
قرمن ولد قرمن خواله مناعير = أشفق على خوته بالحيل واتوق
ويش أنت ياحاتم وويش أنت يالزير = الله جعل به عن بني آدم فروق
متفرد بتطبيق (سرك غدا ببير) = بس اتضح (ماكل مطرود ملحوق )
أقفت به أيامن تولت مصادير = ويوم اقبلت دونه هطل وابل الموق
أقفى ولا بين لي أدنى معاذير = أقفى وقلبي به عواصيف وبروق
الحال عقبه لاقسم ماهي بخير = والنوم عقبه ماهنا أرمد الموق
والزاد لو قلط قبالي مزابير = من عقب ابوخالد فلا هانين ذوق
ادري ليا قالوا تراها مقادير = صدمة وقلبي مارضى مننها يفوق
جيتك افضفض وانتسي شين يصير = وألعب معك يابو ندا كل طاروق
أنا من اللي بالمصايب هوامير = وانته رصيدك يمكن يكون مطبوق
أخون صغيرن لك وناولك تقرير = حبره رحيق القلب وأقلامه عروق
حرره في نادي ضمايره تحرير = وأودعه ظرفن بالختم صار مغلوق
يتنى جوابك ياسليل المناعير = عسى يبرد مابكبدي من حروق
[/poem]
وقال الشاعر فواز :
[poem=font=",6,black,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/198.gif" border="none,4," type=1 line=1 align=center use=ex num="0,black""]
أبـدا بمـن تبـدا صلاتـه بتكبـيـر = اللي بذكـره تانـس النفـس وتـروق
يرفع ويخفض يرزق الخلـق ويديـر = وكل أدمي له ساعة الحشـر مسيـوق
بعد أذكره جبت القلـم عقـب تشميـر = وكتبتها والشمس فـي حـزة شـروق
بعض الرجال يطور الشعـر تطويـر = ملقـح أبياتـه عـن الثقـل والعـوق
ومضمونها مـا بـه تعـدي وتزويـر = قصايده بالـذات تشتـاق لـه شـوق
شروا الذي مرسـل جزيـل التعابيـر = قصيدته عـدت علـى قمـة الـذوق
معمر(ن) قافه علـى الجـزل تعميـر = من هاجسه ما هي بسلفـه ولا بـوق
يقـول يبغـى لـه جناحيـن ويطيـر = يم الفضاء لنّه مـن النـاس مزنـوق
شاف بمناهج بعض الاصحاب تغييـر = وأقفى الصديق اللي للأسرار صندوق
مـن صـد يازاهـي بليـا معـاذيـر = لا ترتجي من رجعتـه غيـم وبـروق
اليـوم بـه خـوه بلـيـا معايـيـر = وثوب الصداقه يا بن الأجواد مشقـوق
لا عاد تستغرب من البعـض تقصيـر = كرت الوفاء عند اكثر الناس محـروق
لاحظـت انـا الايـام هـذي مغابيـر = حتى انعكس جوره على الضآن والنوق
وأيامنـا الحلـوه وطتهـا المعاصيـر = والخلق بين اعراك ومماسـك حلـوق
لكـن لعـل النـاس لازال بـه خيـر = وتسلك طريق الحـق وتقـوم وتفـوق
أخيـراً اقبـل ردنـا عقـب تآخيـر = وعساه يعجب قاري الشعـر ويلـوق
[/poem]
اتمنى ان تحوز على اعجابكم
رد مع اقتباس
المشاركة الأصلية كتبت بواسطة هايس الشمري
المفضلات