والا الردي خله يقلب عيونه
[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خابت ظنون اللي وثق في ظنونه=انشهدان بعض الاوادم ماهو شي
ارسلت له بالخاص من باب مونه=واليوم ماحصلت لي حي بالحي
ياليتني جبت الميانات دونه=ماكنت احمل ضيقتي صاحبٍ لي
ماجيت ادور للمعزب مهونه=وشلون دامي وارثٍ حاتم الطي
اعطي رفيقي لين تقضي ديونه=واشرهه على راع المواجيب والعي
والا الردي خله يقلب عيونه=في ظلمةٍ ماجاله النور والضي
ننساه واهل المرجله ينكرونه=مادام ماهو عن لظا شمسنا في
احدٍ على الطولات فسر ردونه=واحدٍ خذاه الكبر والجهل والغي
وانا مع الطيب لحوني لحونه=اقدره وانبذ هلا العيب والسي
طالع وتلقا بالاوادم نمونه=تقصر منافيعه عن البي والخي
يموت بين الناس مايعرفونه=ماضاف في سيرت حياته ولاشي
[/poem]
رد مع اقتباس
المشاركة الأصلية كتبت بواسطة عبدالله الجعيثن
المفضلات