[align=center]
يقول الشاعر العراقي ( كريم العراقي )
شلك علينا يا زمن .. اشبيك دقاتك كباااار
بي ناار .. وهي مو كل ناار .. نار ابتشي ما ينزل دمع ينزل شرار
وانا اقول
بسنتن مبطيه
كنت معلن حرب مع عيال جارن لنا
والمصيبه ان بيتهم كان بين بيتنا والمسجد
يعني رايح للمسجد متهاوش
وجاي من المسجد متهاوش
امحق اجر
ومرتن من المرات قمت اويدز مع الباب ولا ولدهم الصغير ( اخر العنقود )
جاين من البقاله ومعوه بيض
وانا اطرحوه واكسر البيض على راسوه واقوم اكمخوه
وهو يروح لبيتهم يبتسي
وعاااااادي عندي
وعقبه رحت للمسجد اصلي المغرب
ويوم طلعت من المسجد ولا مجتمعين اخوانه ( ثلاثه )
وانا امرهم عااادي ولا كأني مسوين شين
وهم يهجمون علي
وهي تقبس بيننا وانواع الضرب
وياخيويني لاحضت انهم يحاولون يسحبوني يم بيتهم
وهالشي انا مابيه
وانا اقوم اسحب نفسي برا
وهم يسحبوني داخل
وانا انبطح على الرصيف
وهم يتجودون برجليني ويسحبوني
وانا اتمسك بالقاع
ولا تسمع الا نهيتهم وصوت اظافري بالقاع ( قمة الاخلاص بالشغل يا ناس )
واسمع اختن لهم كبيره تقول هها جيبووووه قضبونياوه
يومني اوجست الذله وحسين ان الربع يبوني
وانا اتجود بأطراف الباب
وهو يجي واحدن منهم وهو يقوم يدق اصابعي على الجدار
يبيني اترك الباب ( انا كنت حاس ان فيها غش )
والله وهم يدخلوني داخل
وانا اراعي ليمار امهم جالستن تخبز على الصاج
قالت اييييييه اضربووووووه
حيلكم بوه
اذبحوووووه
وهي تقوم وهي تفصل لي الاسطوانه وتجي ( ياملا البعد )
وبهاللحظه اظلمت الدنيا بوجهي
وهم يتكومون علي العايله الكريمه
واحد يحك وجهي بالقاع ( يبي يمسح ملامح وجهي )
والثاني ماسكن يد النجر ويضرب اظافري ( له مستقبل بالتعذيب )
والثالث حاطن الاسطوانه على ظهري ويدربيه ليما ياصل مواطيي ( العن ام الدفاشه )
واختهم تضرب راسي بنعوله ( ياملا الغاضور )
وامهم تمحطن بلي الاسطوانه ( ياملا الجاره )
الوكاد استغرقت هالعمليات حوالي نص ساعه
وهم يتركوني ( لانهم هم تعبو ولا انا مبطي منتهي )
وانا اقوم ازحف
يوم وصلت الباب ولا هذا اخوي
وهو ياخذن ويوديني البيت
الله يجيركم صارت بي خرعه
وخذيت اسبوعين اصوت لامي يبه
وابوي اقولوه عايشه ( اسم شغالتنا )
ولمدة شهر بس رجلين ورقبه
يعني ظهر مافيه
ومنه
لليوم
اذا جيت ابي اروح للمسجد لازم اديور وافر الحاره كله
وياليت تسألون لي حدا هالشيوخ هل يجوز اني اجمع
وتقلدوا تحيتي
[/align]
رد مع اقتباس
المشاركة الأصلية كتبت بواسطة الشبث
المفضلات