تقول الناس وش رايك تشارك شاعر المليون

**ابو عارف** · 19-10-2008 13:57

صح لسانك ابو فهد على هذه القصيدة الجزلة لاهنت.

**((عبدالله بن غيث))** · 20-10-2008 16:49

أبو فهد , صح ألسانك مليون ...!

صدقت , بنزفك.....!

تقبل تحياتي

**فواز الغسلان** · 21-10-2008 06:10

المشاركة الأصلية كتبت بواسطة محمد الشراري

وترى غسان مابـات الليالـي مثلنـا مطعـون

ولا تنقاس مع رجل(ن)رقد ليله بـدون ازعـاج

ولا يفهم معانيها سوى اللـي خافقـه مرهـون

ومن عاش الفرح صعب(ن)يحلل زفرة المهتـاج

وانا كيف اتبع اللي قال حط الكاف قبـل النـون

مدام النون قبل الكاف في وسط الحشى الوهـاج

نظمها قبلنا القاضي وتركـي ثـم ابـن لعبـون

وغانم ثم ابـن هـدلان والهربيـد والمجمـاج

قبل تطلع شهادات المعاهـد ثـم نجـدي فـون

يصوغون القوافي تشبه الجوهـر وحبـره زاج

ولاشالوا شهادات الادب من بـون والسربـون

وقبل الليت كان الليل يقضونـه بنـور سـراج

لان القاف ماهـو صنـع لا بستـم ولا بنيـون

ولا تصميم صاروخ(ن)يجي من قاذف الميـراج

ولا هو سلعة(ن)تاتي لنا من ساحـل الجابـون

ولكنه يدوج الروح مـن فرقـى مهـا قرطـاج

وانا افهم من هل التحكيم بالمعنى وبالمضمـون

لانه فلم عن جرحي وانـا التصويـر والانتـاج

اصوغ اللي بوسط الصدر عن عين العرب مكنون

لما صار الحشى كنه من همومه على له سـاج

يجيش القاف من جوف(ن)غدى لحروفها سيفون

ينقيها عـن الزلـه وتمسـي عدلـة المنهـاج

ولا نزبن بغلـق القـاف سقراطـس ونابليـون

ولا ني في حروف الغير لو شح المثـل محتـاج

ولا نرجي بتحضيره طلب رسمـي ولا مـاذون

واذا هاجت تقول انـه لقيفـان العـرب كربـاج

وهايب واحد(ن)خيره غطى واشبع جميع الكـون

عطانا من كرم فضله توالـي سـورة المعـراج

وليش اركض وراء اللجنه لما يطلع شهر كانون

ولا تنجح لما تمشي وراك من الجيوش افـواج

وانا حطيت عن كل البرامـج ياعـرب كيلـون

وعن راي العرب باشعار وجداني معـي مـزلاج

اخوي الكريم / الشاعر فواز

صدقت يابو فهد
وصح لسانك لاهنت
على هالابيات
الرائعه والمعبره
اشكرك وتقبل
تحياتي وتقديري
اخوك
محمد عطاالله الشراري

هلا وغلا اخوي محمد الشراري وتشرفت بمرورك النبيل

تحياتي لك

**غالب** · 21-10-2008 14:21

صحححح لسانك

**سلطان السـراي** · 22-10-2008 16:37

وانا افهم من هل التحكيم بالمعنى وبالمضمـون**لانه فلم عن جرحي وانـا التصويـر والانتـاج

وانت كذلك يابو فهد وانت اكبر منهم ما شاءلله عليك

صح الساااانك وعتلا شاانك

على هذه العطاء المدهش وبحق ابيات مدهشه ايها الفذ .. ونفع الله بك الاسلام والمسلمين

تقبل مروري
.
.
سلطان بن سراي الحسيني

**فواز الغسلان** · 25-10-2008 02:44

المشاركة الأصلية كتبت بواسطة كلي بكم إعجاب

يلغسلان كبييييييييييير على هالمسابقات

انت لحالك لجنه ننصاك يالذيب

صح لسانك

وعلا شانك

طحياتي .......,,

العزيزه كلي بكم اعجاب اشكرك جزيل الشكر يالعزوه

تحياتي العطره

**قمر اللــيل** · 25-10-2008 14:39

صح لسانك اخوي الكبير فواز بن الغسلان ولاهنت على روعة الابيات

اصوغ اللي بوسط الصدر عن عين العرب مكنون

لما صار الحشى كنه من همومه على له سـاج
يجيش القاف من جوف(ن)غدى لحروفها سيفون
ينقيها عـن الزلـه وتمسـي عدلـة المنهـاج

والله ابيات كبيره ينقيها عن الزله وتمسي عدله المنهاج صح كلك

دمت لنا سالما

**لوليتا** · 25-10-2008 15:05

*
*

الله علىالتمكن والقوة

لا تحتاج لجنه ولا مليون

ولا تحتاج لصوت يقول انك رااائع وشاعر

الشعر معك مثل الماء

يروى ويجرى بلا حساب

صح لسان مليون فواز

تقدير بالغ المدى

*
*